' အလင်္ကါ... နေ့လည်ဘက် အချိန်ရလား '
စာသင်ချိန်တစ်ခုအပြီး အိတ်ထဲက ဖုန်းကို ယူကြည့်မိချိန် တွေ့လိုက်ရသည့် စာ ။ ပန်းပွင့် စတစ်ကာ လေးနဲ့ အမှတ်အသားပြုလုပ်ထားတဲ့ နံပါတ်လေးဆီကပင် ။ ဖုန်းကိုယူကာ အတန်းအပြင်ဘက် ခဏထွက်ပြီး ဖုန်းခေါ်လိုက်တော့ ချက်ချင်းပင် ကိုင်လာသည်။
" အင်း ဆပ် ဘာကိစ္စရှိလို့လဲ "
" နေ့လည် အားလားလို့ပါ "
" ဂျူတီက ဘယ်ချိန်ထိလဲ ငါ လာခေါ်မယ်လေ "
" Morning duty... "
" အင်း ၁နာရီထိုးတာနဲ့ SU( surgical unit- ခွဲစိတ်ဆောင် ) ရှေ့အရောက် လာခဲ့မယ် "
ဖုန်းပြောပြီး အတန်းထဲပြန်ဝင်ထိုင်တော့ အနားနားကပ်လာကြသည့် သူငယ်ချင်းတွေ ။ မချိုမချဥ် စပ်ဖြီးဖြီးရုပ်တွေနဲ့မို့ နည်းနည်းတော့ လန့်မိသည်။
" ဘာလဲ မင်းတို့ကောင်တွေ "
" သားကြီး... မင်း ခုတလော မူမမှန်တာ ငါတို့သိတယ်နော် "
" ဟုတ်တယ် ပြောစမ်း ဒီတစ်ယောက်က ဘယ်ကျောင်းကလဲ "
" ဖုန်းပြောရင်ကို အခွက်က ကြည်နူးနေတာ ဖြတ်ရိုက်ချင်စရာ ရုပ်နဲ့ "
" Nursing က "
" wow. ... ဘယ်အချိန်က တွေ့သွားတာလဲဟ "
" ပြီးတော့ ကောင်မလေး မဟုတ်ဘူး ကောင်လေး "
စကားဝိုင်းက အချိန်စက္ကန့်ပိုင်းလောက် တိတ်ဆိတ်သွားသည်။ မျက်မှန်ထူထူနဲ့ ရန်နိုင်စိုးက ပုခုံးပေါ် လက်တစ်ဖက်တင်ကာ ပြောလာသည်။
" သားကြီး မင်း ဘယ်အချိန်က ကွေးသွားတာလဲ "
" အေးကွာ ဒီလိုမှန်းသိရင် အိမ်က ငါ့ညီနဲ့ ချိတ်ပေးလိုက်ပါတယ် "
" မင်းတို့ အဆင်ပြေတယ်လား "
" ဘာကို အဆင်ပြေ.. မင်း ကွေးသွားတာကိုလား "
" ဟေ့ကောင် မင်းဟာမင်း ကွေးကွေး ဖြောင့်ဖြောင့် ငါတို့နဲ့မဆိုင်ဘူးလေ "
ရန်နိုင်ရဲ့အပြောက ပုံမှန်လိုပင် ပေါ့ပေါ့ပါးပါးဆိုလာသည်။
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
