နတ်ဘုံနတ်နန်းအလား ထင်မှတ်မှားရလောက်သော ရေမြေ့သခင်စံမြန်းရာ ရွှေ နန်းတော်ကြီးဝယ် မောင်းမမိဿံတို့ ရယ်ရွှင်မြူးကာ သွားလာနေကြသလို.. တာဝန်ကိုယ်စီဖြင့် အမှုထမ်းအရာထမ်း များလည်း ဝင်ထွက်နေကာ သက်ဝင်လှုပ်ရှားနေတော့သည်။
သူ့တာဝန်ကတော့ အထူးအထွေမရှိချေ။ ဘုရင်မင်းမြတ်အတွက် စာတော်ဖတ်ပေးရသလို ပွဲသဘင်ကျင်းပသော အခါမျိုးတွင် ကဗျာလင်္ကါများ ရေးစပ်ပေးရတတ်သည်။ စိတ်ကူးဉာဏ်ကွန့်မြူးချိန်တွင်မှာတော့ တစ်ကိုယ်တည်း ကဗျာတွေ သီကုံးနေတတ်ပြန်သည်။
'တောတောင်မြူဆိုင်း၊ တိမ်ယံမှိုင်းရီ
ငွေနှိုင်းနှင်းစက်၊ဝဠာထက်မှ
သက်လျက်ကျဆင်း ၊ လူ့ဘုံတွင်းသို့
ကင်းကွာဖော်ဝေး၊ စေကာကျေးငယ်လွမ်းတေးသီကာ ကျူးတော့မည်
'
ငွေနှင်းမှုန်များကြားမှ မင်းနေပြည်တော် သည်ကား..... ပျော်မွေ့ဖွယ်နေရာတစ်ခုဖြစ်ပေမယ့် အထီးကျန်သော ခံစားမှုကိုတော့ မဖယ်ရှားနိုင်ခဲ့ ။ တာဝန်ကိုသာ ကျေအောင် ခစားရင်း တစ်နေ့ပြီးတစ်နေ့ ဖြတ်ကျော်လာခဲ့ရသည်။
" ရဝေထွေး ရေ... "
" သြော်... နေမျိုးသီဟ ပါလား "
" ဘာတွေများတွေးပြီး ဆွေးနေရသလဲ ဗျ.. ဟမ် ကျုပ် အနားရောက်လာတာတောင် မသိရတဲ့အထိ "
.
" ဘာရယ်မဟုတ်ပါဘူးဗျာ ရာသီအပြောင်းလဲ မှာ သဘာဝလောကကြီးရဲ့ အလှတရားကြောင့် နစ်မြောသွားရုံပါပဲ "
" မသိပါဘူးဗျာ... ဇာတိမှာကျန်ရစ်ခဲ့တဲ့ ကြင်သူကိုများ လွမ်းနေသလားပေါ့ "
" ဟ...ဟ... အဲ့သလို မရှိပါဘူးဗျာ "
နန်းတော် အဝင် လမ်းခုလတ်တစ်နေရာမှာ ရပ်ကာ စကားပြောဆိုနေကြစဥ် မြင်းခွာသံဆူဆူညံညံကြောင့် လှည့်ကြည့်မိကြသည်။ အခြားလမ်းတစ်ဖက်မှ ဖြတ်သန်းသွားလေသော မြင်းစီးသူအချို့ ။ အဆောင်အယောင် ထည်ထည်ဝါဝါနှင့် ဆောင့်ကြွားကြွား ထိုလူတစ်စုမှာ အခြားမဟုတ်။ ဘုရင်မင်းမြတ်၏အသည်းညှာ မိဖုရားကြီး မယ်နု၏ မောင်တော် မြို့စားနှင့် နောက်လိုက်နောက်ပါများပင်။
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
