ဒေါက်..ဒေါက်..ဒေါက်
ပိတ်ရက်မနက်ခင်း စောစောစီးစီး ကြားလိုက်ရသည့် တံခါးခေါက်သံကြောင့် အိပ်ချင်မူးတူး လူးလဲထကာ တံခါးဖွင့်လိုက်တော့ မေမေရယ် မေမေ့အနောက်မှာက စာအုပ်တွေပိုက်ထားသည့် အလင်္ကါမောင် ။
" သားဆပ် ခုထိ မထသေးဘူးပေါ့ ၈နာရီထိုးနေပြီ ဒီမှာ သူများတွေကဖြင့် စာအတူလုပ်မယ်ဆိုပြီးလာနေပြီ "
မေမေ့အနောက်ကနေပြီး မျက်စိမှိတ်ပြလိုက်သည့် သူကြောင့် ရယ်ချင်စိတ်ကို ထိန်းကာ
" အင်း အင်း လာ ဝင်ခဲ့ "
" မနက်စာအတွက် နန်းကြီးသုပ် ပြင်ထားတယ် မျက်နှာသစ်ပြီးရင် အောက်ဆင်းခဲ့ကြ သား အလင်္ကါအတွက်ပါ ပြင်ထားတယ်နော် "
" ဟုတ်ကဲ့ အန်တီ "
မေမေထွက်သွားပြီး တံခါးသေချာပိတ်ကာ ပြုံးစိစိလုပ်နေသည့်ကောင်ကို မျက်စောင်းထိုးကြည့်ရင်း
" မင်းက ဘာရယ်နေတာတုန်း စောစောစီးစီး အိမ်ရောက်လာတယ် "
" ဆပ် မင်းရဲ့အခုပုံစံကလေ ခွေးစုတ်ဖွားလေးနဲ့ တူနေတယ် သိလား အသည်းယားစရာလေး "
ပြောရင်းဆိုရင်း လက်နှစ်ဖက်က ပါးဆီရောက်လာကာ ဆွဲလိမ်နေတော့ တွန်းဖယ်ရင်း
" နာတယ်.. မလုပ်နဲ့
ငါမျက်နှာသစ်ဦးမယ် ခဏစောင့် "
ဘေစင်ရှေ့က မှန်ကို ကြည့်မိတော့မှ ခွေးစုတ်ဖွားလို့ ပြောရသည့်အကြောင်းရင်းကို သိလိုက်တော့သည်။ အိပ်ရာထစ ဆံပင်တွေက ဖွာလန်ကြဲလို့ ။ ခပ်မြန်မြန် သွားတိုက် မျက်နှာသစ်ပြီး ပြန်ထွက်လာတော့ စာအုပ်စင်ဘေးမှာရပ်ရင်း စာအုပ်တွေ ယူကြည့်နေသည့် အလင်္ကါ့ကို တွေ့လိုက်သည်။
လက်ထဲက ကိုင်ထားသည့်စာအုပ်ကို မြင်တော့ အသည်းအသန် သွားလုလိုက်ပေမယ့် ခပ်တိုးတိုးရယ်နေသည့် အလင်္ကါက
" မင်း သိမ်းထားခဲ့တာ အဲ့စာအုပ် တစ်အုပ်တည်းမှာမှ မဟုတ်တာ ဒီမှာလေ နောက်ထပ် စာအုပ်တွေ ရှိသေးတယ် "
ရက်စွဲတွေရေးမှတ်ထားသည့် ဆပ်သွားဖူးဖက်ရွက်တွေကို မြင်သွားပြီ။ မျက်နှာကိုက တကယ်အချိုးမပြေဘူး ။ လူကို လှောင်ရယ်နေသလိုလိုပင် ။
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
