🎼🎼🎼.........🎼🎼🎼🎼
စားပွဲပေါ်မှာတင်ထားခဲ့သည့် ဖုန်းက မကိုင်မချင်း တတီတီမြည်နေသဖြင့် အိပ်ချင်မူးတူးနဲ့ ထကာ ကောက်ကိုင်လိုက်ရသည်။ မှတ်မထားမိသော နံပါတ်တစ်ခု ဖြစ်နေသဖြင့် ဖုန်းကို ကိုင်ကာ ကြည့်နေမိသည်မှာ အကြာကြီး။ တစ်ဖက်က အသံကို ကြားရချိန်မှာတော့.... ထုံထိုင်းနေသော ခေါင်းတွေပင် ချက်ချင်းကြည်လင်သွားရသည်။
" အလင်္ကါ.... "
" ဆပ်... နောက်ဆုံးတော့ ဖုန်းဆက်လာပြီပေါ့.... "
" နေပါဦး မင်း အခုမှ နိုးတာလား "
" ဟီး. ဟီး... ညက ဂိမ်းဆော့ပြီး နောက်ကျသွားလို့... ဘာဖြစ်လို့လဲဟင် "
" သတင်းလေး ဘာလေး တစ်ချက်လောက် ကြည့် ကြည့်ပါဦး ကိုအလင်္ကါမောင်ရေ.... ဘာတွေဖြစ်နေသလဲလို့ "
" အခုကြည့်မယ် အခုကြည့်မယ်... ဖုန်းမချလိုက်နဲ့နော် ဆပ် "
Fb ဖွင့်လျှင် ဖွင့်ချင်း ပလူပျံနေအောင် တွေ့လိုက်ရသည်က ' အာဏာသိမ်းသည် ' ဆိုသော စကားလုံး ။
" ဆပ်... အခုဖြစ်နေတာတွေက ဘာတွေလဲ "
" မနက်အစောပိုင်းတုန်းက.. အင်တာနက်တွေရော ဖုန်းလိုင်းတွေရော အကုန်လုံးဖြတ်တောက်ခံလိုက်ရတယ်... နေပြည်တော်မှာလည်း သမ္မတနဲ့ ဒေါ်အောင်ဆန်းစုကြည်အပါအဝင် အမတ်တွေအကုန်လုံးဖမ်းဆီးခံရပြီး မင်းအောင်လှိုင်က အာဏာသိမ်းလိုက်ပြီတဲ့လေ... "
" What the fuck. .. ဘာကြီးလဲကွာ အခုခေတ် အခုချိန်မှာ အာဏာသိမ်းတယ် ဆိုတာကြီးက ရှိသေးတယ်လား "
" ရှိသေးလို့ ဟိုမှာ မင်းအဘက သိမ်းသွားပြီ.... ဖုန်းလိုင်းတွေက ဘယ်ချိန် ထပ်အဖြတ်ခံရမလဲ မသိဘူး.. ငါတို့ဆီမှာလည်း စစ်တပ်က မြို့ထဲမှာ နေရာအနှံ့ဖြန့်ကျက်ထားတယ်.... မင်း သိတဲ့အတိုင်းပဲ ဒီမြို့က KNU နဲ့ နီး တော့
စစ်တပ်က သုံးခု... မြို့ရဲ့ဝင်ပေါက်တွေအကုန် ပိတ်ထားတယ် အလင်္ကါ.... ငါတို့အခု မြို့အပြင်ဘက် ထွက်လို့မရတော့ဘူး "
ဆပ်ရဲ့ သတင်းစကားကို ကြားအပြီးမှာ လူက စိုးရိမ်စိတ်တွေ ငယ်ထိပ်အထိတက်လာသည်။
YOU ARE READING
ပန်းဘွဲ့အလင်္ကါ (Completed )
Historical Fictionအလင်္ကါမောင်...ဆိုတဲ့ ကောင်က ရာသီအလိုက် ပန်းဘွဲ့တွေ သီကျူးနေတဲ့ ကောင် ... နွေရာသီမှာ တွဲခဲ့တဲ့ ကောင်မလေးတွေ နာမည်က. ကံ့ကော်ဦး.. ပိတောက်ဝါ ငုဝါ..... မိုးရာသီမှာ တွဲခဲ့တဲ့ ကောင်မလေးတွေ နာမည်က. စံပယ်ဖြူ.. ဇွန်လေးငုံ ဟော.. ဆောင်းရာသီမှာ တွဲခဲ့ဖူးတဲ့ သ...
