100 PERCENT + (တစ်ရာ ရာခိုင်နှုန်းရဲ့အထက်) || 𝐂𝐨𝐦𝐩𝐥𝐞𝐭𝐞𝐝 ||

100%. nine.

Unicode;

မတ်လရဲ့ တစ်ခုသောမနက်ခင်းလေး..
ထွန်းတောက်စနေရောင်က ဒီမနက်မှာ ကွယ်စရာတိမ်လည်းမရှိတာမို့ ကြည်လင်ရွင်ပြစွာနဲ့ တစ်လောကလုံးကို ဖြန့်ကျက်လို့နေတယ်...
ရှန်ဟိုင်းရဲ့ လူကုံထံရပ်ကွက်ကြီးက အထပ်မြင့်တိုက်တာတွေနဲ့ကျပ်သပ်နေတဲ့ Urban ဧရိယာနဲ့ယှဥ်ရင် သိပ်ပြီးတိတ်ဆိတ်အေးချမ်းတယ်...
လမ်းမကျယ်ကြီးတွေ... ကာရံထားတဲ့အုတ်တံတိုင်းမြင့်ကြီးတွေ... ဧရိယာရှည်လျားတဲ့မြေဧကတွေဟာ ဒီနယ်မြေရဲ့ကြွယ်ဝမှုပြယုဒ်တွေပဲဖြစ်တယ်..

ရပ်ကွက်ရဲ့ အရှေ့ဘက်ခြမ်းဆီက ဧကအတော်အတန်ကျယ်တဲ့ ခြံဝန်းကြီးထဲက စိမ်းမြမြအစီအရီအပင်ကြီးငယ်အချို့...
လေတစ်ချက်အဝှေ့မှာ အကိုင်းအခတ်လေးတွေ လှုပ်ခါတယ်...
အိမ်မကြီးအထိဆို လမ်းလေးကရှည်တာမို့ ခရီးမဆုံးသေးတဲ့လေ​ပြေတွေဟာ ခြံထဲက အိမ်ကြီးဆီကို ကတိုက်ကရိုက်ပြေးလို့ အိမ်ကြီးရဲ့ဘေးနားကရေကူးကန်ငယ်လေးကို လှိုင်းကြက်ခွပ်လေးတွေဖြစ်ပေါ်စေတယ်...

ခန်းနားတဲ့ အိမ်ကြီးး....
နေရောင်အောက်မှာ မားမတ်စွာတည်ရှိနေတဲ့ အိမ်ကြီးက ထည်ထည်ဝါဝါပင်...
အစိမ်းရောင်မြက်ခင်းပြင်ရဲ့ကြား ကျည်ကာမှန်နံရံတွေနဲ့ အဆင့်မြင့်စွာ ခေါတ်မှီလှပစွာ တည်ဆောက်ထားတယ်...
ရာသီဥတုသာယာ​နေတာကြောင့် ပတ်ဝန်းကျင်ကလင်းလက်ကျော့ရှင်းလို့နေပြီး အိမ်ကြီးရဲ့အသီးသီးသော အလုပ်သမားများက တက်ကြွလန်းဆန်း​ခြင်းများနှင့် လှုပ်ရှားလို့နေတယ်...

အိမ်ကြီးရဲ့ ပတ်ဝန်းကျင်က အသက်ဝင်နေသလောက် အခန်းတစ်ခုကတော့ အပြင်လောကနဲ့ ဆန့်ကျင်စွာ တည်ရှိလို့နေရဲ့...
မနက်ခင်းနေရောင်က အဆိုပါအခန်းထဲအလုအယက်တိုးဝင်ချင်သော်ငြား ပြတင်းတခါးတွေဆီက မီးခိုးရောင်လိုက်ကာစတွေက အထပ်ထပ်ဟန့်တားနေတယ်...
အခန်းထဲမှာတော့ တစ်စွန်းတစသော အလင်းပြောက်လေးတွေက အားနည်းစွာကျရောက်လျက်...
တစ်ခန်းလုံး မှောင်နေသည်တော့ မဟုတ်...
လျပ်စစ်မီးသီးရဲ့ အလင်းရောင်တွေက နေ့ညခွဲခြားဖို့ ခက်ခဲနေခြင်းပင်..

မီးခိုးရောင်နှစ်ယောက်အိပ်ကုတင်ကြီးပေါ်မှာတော့ ​ဖြူဥနေတာပဲလို့ ပြောလို့ရတဲ့ ပါးမို့ဖောင်းဖောင်း ကောင်လေးတစ်ယောက်ရှိတယ်...
မျက်နှာတစ်ခြမ်းကို မွေ့ရာနဲ့ကပ်လို့ အိပ်ပျော်နေပုံက တကယ့်ကို ချစ်စဖွယ်..
ခြေတွေလက်တွေက ကိုးယို့ကားယား... လက်ချောင်းလေးတွေဆီက ဒဏ်ရာငယ်လေးတွေကတော့ အနီစက်လေးတွေအဖြစ် ကျန်ရှိလို့နေတယ်...
ဘေးနားမှာနားကြပ်တစ်ခုနဲ့ ဖွင့်လျက်သားဖုန်းလေးက အားကုန်ကြောင်း အချက်ပြနေတာတောင် ကောင်လေးက နိုးမလာသေးးး
.
.