I married my sister's husband{Completed}

Part-7(Uni and Zawgyi)

Scroll down for Zawgyi ❤

တိတ်ဆိတ်နေသည့် အစည်းအဝေးခန်းမှာ အပ်ကျသံပင်မကြားရလောက်အောင် ငြိမ်သက်နေသည်။ရှယ်ယာရှင်များမှာလည်း ငြိမ်သက်လျက်  ဥက္ကဋ္ဌဖြစ်သူလင်းထင်ကျော်ဇော၏ အဆုံးအဖြတ်ကိုသာစောင့်နေကြပုံ။လင်းထင်ကျော်ဇောသည်လည်း မဟူရာကျောက်စားပွဲကြီးအား သူ၏လက်ချောင်းရှည်များဖြင့် တဒေါက်ဒေါက်ခေါက်လျက် တစ်စုံတစ်ခုကိုတွေးနေခဲ့သည်။

ထိုစဉ် တစ်စုံတစ်ယောက်၏ ဖုန်းringtoneသံမှာ ကျယ်လောင်စွာထွက်ပေါ်လာတော့သည်။ရှယ်ယာရှင်များမှာ တစ်ယောက်နှင့်တစ်ယောက်ကြည့်လျက် ဖုန်းပိုင်ရှင်အားရှာနေစဉ် ဖုန်းထုတ်ကိုင်လိုက်သည့် လင်းထင်ကျော်ဇောကြောင့် အသီးသီးအပြစ်ရှာလိုဟန် မျက်လုံးများဟာမှေးမှိန်သွားကြသည်။ဥက္ကဋ္ဌကို မည်သူကများအပြစ်ရှာရဲပါ့မလဲ။

"ချာတိတ် ပြော"

အလိုအလျောက်ပြုံးသွားသည့် ဥက္ကဋ္ဌကြီး၏မျက်နှာကြောင့် ရှယ်ယာရှင်များမှာ ပို၍ စိတ်ဝင်တစားဖြစ်သွားကြသည်။လင်းထင်ကျော်ဇောပြုံးရသည့်အကြောင်းမှာ ဖုန်းအသစ်ဝယ်ပေးပြီးတည်းက ဒါပထမဆုံးအကြိမ်တန်ခူးရိပ်ဘက်ကဖုန်းစခေါ်၍ ဖြစ်သည်။

".........."

"အင်း ခဏပဲစောင့်နော် ကိုယ်အခုထွက်လာပြီ"

ချက်ချင်းမတ်တပ်ထရပ်လိုက်သည့် လင်းထင်ကျော်ဇောကြောင့်ကျန်လူများမှာလည်း ယောင်နနဖြင့်အကုန်ထရပ်ကြရသည်။ဖုန်းချပြီးတဲ့နောက် လင်းထင်ကျော်ဇောက ရှယ်ယာရှင်တွေဘက်ပြန်လှည့်ကာ...

"Sorry meetingကိုဒီလောက်နဲ့ သိမ်းကြတာပေါ့ နောက်ရက်မှဆက်ဆွေးနွေးမယ်"

ပြောပြီး ချက်ချင်းကိုရေးကြီးသုတ်ပြာဖြင့် ထွက်သွားသည့်ဥက္ကဋ္ဌကို ဘယ်သူကများတားဝံ့ပါ့မလဲ။

်သူ့ထံမှကားသော့ကို ဆွဲယူကာ ကားပါကင်မှ Lexus LS ခဲရောင်ပေါ်တက်လိုက်ပြီး တရကြမ်းမောင်းထွက်သွားသည့် bossကိုဘယ်အရာတွေကများ ဒီလောက်ဆွဲဆောင်နေသလဲ မြတ်သူလည်းမသိတော့ချေ။
.
.
.
ဆယ်မိနစ်လောက်အကြာတွင် ဆိုင်ထဲဝင်လာသည့်သူကြောင့် တန်ခူးရိပ်၏မျက်နှာခပ်နွမ်းနွမ်းလေးမှာ တိမ်ကင်းစင်စလမင်းလေးကဲ့သို့ ပြန်လည်ဝင်းပသွားတော့သည်။
လင်းထင်ကျော်ဇော ဆိုင်ထဲဝင်ဝင်ချင်း တန်းမှာချိတ်ထားသည့် အဝတ်အစားအားလုံးကို လက်ညှိုးတောက်လျောက်ထိုးလျက်...