I married my sister's husband{Completed}

Christmas Party(extra)

Scroll down for Zawgyi ❤

တန်ခူးရိပ်လက်မှနာရီကိုကြည့်လိုက်သည်။နေ့လည်သုံးနာရီနှင့်ဆယ့်ငါးမိနစ်။ကလေးတွေ ကျောင်းဆင်းလောက်ပြီ။ဒီနေ့သည် ဆိုင်တွင်orderအတော်တက်သည့်ရက်ဖြစ်သည်။coffeeဆိုင်နှင့်အတူ Bakery shopပါတွဲဖွင့်ထားခြင်း ဖြစ်၍မွေးနေ့ကိတ်များနှင့် အခြားတော့ပွဲနေ့များအတွက်ကိတ်များပါ အော်ဒါလက်ခံသည်။

ဆိုင်တွင်bakerနှစ်ယောက်ရှိသော်လည်း အရေးကြီးသည့်ကိတ်ပုံစံများနှင့် decorationအပိုင်းကိုတော့ တန်ခူးရိပ်ကတာဝန်ယူပါသည်။အဲ့ဒီ့အတွက်လည်း သူသင်တန်းတွေတက်ခဲ့သည်မှာ ကလေးတွေ ရက်တစ်ရာပြည့်ပြီးပြီးချင်းဖြစ်သည်။တန်ခူးရိပ်ကအတော်လေး ကံကောင်းသည်။ကလေးတွေရဲ့ ဝေယျာဝစ္စအဝဝကို အပင်ပန်းခံမလုပ်ပေးခဲ့ရ။

ကလေးနို့ဘူးဖျော်တာမှအစ ညဘက်သေးစိုဝတ်တွေထလဲပေးတာအဆုံး လင်းထင်ကျော်ဇောကသာ လုပ်သည်။အကြောင်းပြချက်မှာ ကူကူးငယ်က အပင်ပန်းခံပြီးသွားပြီမလို့ ကျန်တာကိုယ်ပဲဆက်တာဝန်ယူပါ့မည် ဟုဆိုကာ diaperခံလို့ရလျက်နှင့် ညဘက် သေးစိုဝတ်တွေထထလဲပေးတာကလည်း သူ့ကလေးတွေသေးပူလောင်မှာစိုးလို့ဟု လင်းထင်ကျော်ဇောကဆိုသည်။နို့ဘူးဖျော်တာကတော့ ညိုသွယ်တို့ကိုမလုပ်ခိုင်းချင်၊စိတ်မချ၍ဟုပြော၏။

"အကို"

ဘေးဘီဝဲယာမှခေါ်သံကြား၍ တန်ခူးရိပ်လှည့်ကြည့်လိုက်သည်။kitchenထဲမှထွက်လာ၍ တန်ခူးရိပ်သည်အပေါ်ထပ် အေပရွန်အပြာနုလေးအားမချွတ်ရသေး။coffeeဆိုင်ထဲတွင်ပင် ရပ်လျက် ကလေးတွေကြိုပြီး သူ့အားထပ်ဝင်ကြိုမည့် လင်းထင်ကျော်ဇောကို စောင့်နေခြင်းဖြစ်သည်။စောင့်နေရင်းနှင့်လည်း အတွေးတွေကခင်ပွန်းသည်အကြောင်းသာ တောင်တောင်အီအီတွေးမိနေ၍ ပတ်ဝန်းကျင်အားသတိမထားမိ။

"ဟုတ်ကဲ့"

တန်ခူးရိပ်အားခေါ်လိုက်သည့် မိန်းကလေးသည် အနည်းငယ်ရှိုးတို့ရှန့်တန့်ဖြင့် ရှက်ဝဲဝဲအမူအရာဖြစ်နေသည်။ဘေးမှ ထိုမိန်းကလေး၏သူငယ်ချင်းများသည် အားပေးနေသယောင် ထိုမိန်းကလေးအား တန်ခူးရိပ်အရှေ့သို့ အတင်းတွန်းပို့နေခဲ့၏။