I married my sister's husband{Completed}

Part-20(Uni and Zawgyi)

Scroll down for Zawgyi❤

မနက်စာစားပွဲတွင် ဂုဏ်ရည်သွေးသည် ပျင်းရိခြောက်ကပ်စွာ ပန်းကန်လုံးထဲမှနို့နှင့်cerealများကို ဇွန်းဖြင့်မွှေလျက် အတွေးတွေကတော့ ထိုပန်းကန်လုံးထံတွင်ရှိမနေခဲ့။ထိုသက်ကြားအိုကြီးနှင့် ဇာတ်လမ်းစပြီးသည့်နောက်မှာ သူဟာသူမဟုတ်တော့သလိုမျိုး သူခံစားလာရသည်။စိတ်ရှုပ်ဖို့ကောင်းသည့် ခံစားချက်များ။သူကိုယ်တိုင်ပင် ရေရေရာရာမသိတော့ချေ။သူမူးခဲ့သည့်ညတွင် Aidenကသူ့အားကလပ်အတွင်းမှခေါ်ထုတ်သွားသည်။အဲ့ဒီ့နောက် သူတို့လူကြီးလေ့ကျင့်ခန်းများလုပ်ခဲ့ကြပြီး မနက်တွင်တော့ Aidenအား မုဒိမ်းမှုမြောက်သည်ဟု ပြောဆိုကာ သူထားပစ်ခဲ့သည်။

အခုတော့ Aidenဘက်ကလည်းမဆက်သွယ်လာ၍ သူဘာကိုအလိုမကျလို့ အလိုမကျမှန်းမသိတော့။ဟုတ်ပါတယ် အဲ့ဒီ့ညကသူမူးနေပေမယ့်လည်း သူလည်းစိတ်ပါခဲ့တာပါပဲ။မနက်ရောက်မှသာ ကော်ဖီဆိုင်ကအမျိုးသမီးကိုပြန်တွေးမိ၍ ကလန်ကဆန်စိတ်များဝင်လာမိခြင်းသာ။သို့သော်လည်း ထိုလူကြီးနည်းနည်းပါးပါးတော့ ဆက်သွယ်သင့်သည်ဟုသူထင်သည်။အမြဲထိုအတိုင်း လျှို့လျှို့ဝှက်ဝှက်နှင့် စိတ်ရှုပ်ဖို့ကောင်းသည့်လူကြီး။

"ပေါင်ပေါင်း...ပါပါးပြောနေတာကြားရဲ့လား"

မျက်နှာချင်းဆိုင်မှ ဖခင်ကြီး၏စကားကိုမကြားရလောက်အောင် သူအတွေးတွေများနေခဲ့၏။မျက်စိရှေ့လက်ဖျောက်နှစ်ချက်တီးခံလိုက်ရမှ ဇွန်းကိုင်လျက်လွင့်မျောနေသည့်စိတ်တို့အား ပြန်လည်ခေါ်ဆောင်မိတော့သည်။

"ဟင်...ဘာပြောလိုက်တာလဲ"

ဂုဏ်ရည်သွေး၏ အိပ်မက်မှလန့်နိုးလာသူလို မျက်နှာပေးကြောင့် ဦးဂုဏ်ရောင်သည် စိတ်ပျက်လက်ပျက် ကျွတ်သပ်လျက်...

"သားလေးတစ်ယောက်မွေးမိပါတယ် သမီးတစ်ကောင်နွားတစ်ထောင်မဟုတ်ဘူး။သားတစ်ကောင် ကျားတစ်ထောင်ဖြစ်နေပြီဟေ့"

"ပါပါးကလဲ ကြားမှမကြားလိုက်တဲ့ဟာ။စကားပုံတွေလျှောက်ဖျက်နေပြန်ပြီ"

မူလဗီဇ အကြောတင်းသည့်ဓာတ်ခံအရ နည်းနည်းလေးမှ စောဒကမတက်ရလျှင် နေမထိထိုင်မသာဖြစ်တတ်သည့်ဂုဏ်ရည်သွေးသည် ထုံးစံအတိုင်း မကြားတကြားပြောတော့သည်။