I married my sister's husband{Completed}

Part-13(Uni and Zawgyi)

Scroll down for Zawgyi❤

တန်ခူးရိပ်၏ ဖိတ်ခေါ်မှုကြောင့် Aidenပါ ထမင်းစားခန်းသို့ ရောက်လာရသည်။သူကလည်းနေ့လည်စာစားချိန်ကြီးမှ ရောက်လာခဲ့တာကို။လေးထောင့်တန်းရှည် မဟူရာကျောက်သားစားပွဲကြီးတွင် ထိုင်နေသူကား လေးယောက်တည်း။လင်းထင်ကျော်ဇောက ခေါင်တွင်ထိုင်လျက် Aidenကညာဘက်တွင်ထိုင်ကာ တန်ခူးရိပ်ကဘယ်ဘက်တွင်ထိုင်၏။တန်ခူးရိပ်၏ဘေးတွင်တော့ ထင်ထင်လေးအား ကလေးခုံအမြင့်ဖြင့် ထိုင်ခိုင်းထား၏။

တန်ခူးရိပ်က စားနေရင်းနှင့် သူလည်းစား၊ထင်ထင်လေးကိုလည်း ခွံ့ရသေးသည်။အမြိုင်ခွံ့သည်ကို မစားဘဲ ကူကူးခွံ့မှဟူ၍ ဂျစ်တိုက်နေသောကြောင့်ပင်။

"နောက်ရက်ဆိုပဲ ကျောင်းတက်ရတော့မယ် ကိုယ့်အားကိုယ်ကိုးပြီး လုပ်တတ်အောင်ကြိုးစားရမယ်လေ ထင်ထင်။"

လင်းထင်ကျော်ဇောက ဟင်းချိုခပ်သောက်နေရင်းမှ မျက်ဆံလှန်ကြည့်ကာ ထင်ထင်လေးအား ပြောလိုက်သည်။ထင်ထင်ကတော့ အားကိုးရှိသည့်အလား တန်ခူးရိပ်၏လက်မောင်းသေးသေးလေးတွေကြား သူ့ခန္ဓာကိုယ်တစ်တစ်တုတ်တုတ်လေးကို ပို၍ကွယ်ကာ လင်းထင်ကျော်ဇောစကားကို လုံးလုံးမျက်ကွယ်ပြုထား၏။မနေသာတော့သည့် တန်ခူးရိပ်ကပဲ ထင်ထင့်အား ထမင်းတစ်ဇွန်းပါးစပ်ထဲခွံ့၍....

"လူကြီးကမေးရင် ပြန်ဖြေရမယ်လေ ထင်ထင်။ကူကူး ဘာပြောထားလဲ"

Aidenက မိသားစုအရေးကိစ္စတွေကို မျက်ကွယ်ပြုထားလျက် ထမင်းကိုသာ ပလုတ်ပလောင်းသွတ်သွင်းနေ၏။

"ဟုတ်"

ထိုအခါမှ ထင်ထင်လေးက သူ့ဒယ်ဒီအားမဝံ့မရဲကြည့်ကာ ပြန်ဖြေသည်။ထပ်ပြောသေးသည်က 'ကူကူးကလက်လေးတွေလှလို့ ခွံ့ခိုင်းတာပါ'ဟူ၍ပင်။လူကြီးတွေမှာ တသောသောဖြင့်ပွဲကျသွားတော့သည်။အိမ့်ဆည်းလည်းလေး ထင်ထင်က Aiden၏အချစ်တွေကိုပါ သဲ့ယူသွားတော့၏။

Aidenက ကြာရိုးဟင်းချိုအား မျက်လုံးများမှိတ်လျက် အရသာခံသောက်နေပြီး စကားဆက်လာသည်။

"အိမ်ထမင်း၊အိမ်ဟင်း မစားရတာကြာနေတော့ အရသာရှိလိုက်တာ။ဘယ်သူချက်တာလဲ"