I married my sister's husband{Completed}

Part-28(Uni and Zawgyi)

Scroll down for Zawgyi❤

"နင်သိပြီးပြီလား ကိုစိုးပိုင်တို့သားအဖနဲ့ငါတွေ့ခဲ့သေးတယ်"

ညိုသွယ်က အဝတ်လျှော်စက်ထဲမှ အဝတ်တွေကိုထုတ်ယူရင်း မီးဖိုချောင်မှကြွေပြားများကို ကြမ်းသုတ်နေသည့်အရီ့အားပြောသည်။သူမပုံစံသည် သူမရင်ထဲမှတစ်စုံတစ်ခုကို ဆက်လက်မမြိုသိပ်နိုင်တော့ပဲ တစ်စုံတစ်ယောက်အား စိတ်ပါလက်ပါဝေမျှလိုက်ချင်ပုံရသည်။

"ဟုတ်လား...သူတို့ရောအဆင်ပြေပြေရှိကြရဲ့လား"

တစ်အိမ်ထဲအလုပ်အတူတူလုပ်ခဲ့ရတာကြောင့် အရီဟာထိုစကားကို သာမန်ကာလျှံကာမေးခြင်းမဟုတ်ဘဲ ကြမ်းသုတ်ဝတ်ကိုပါပစ်ချလျက် စိတ်လိုလက်ရမေးလိုက်၏။သူမအမ အမြိုင်သာသိလျှင်ပို၍တောင် စိတ်လှုပ်ရှားဦးမည်။အမကအကိုစိုးပိုင်အား ခံစားချက်အနည်းငယ်ရှိသည်ကို သူမသိသည်လေ။

"အဲ့ဒီ့အကြောင်းကိုပဲငါကပြောမလို့"

ညိုသွယ်က အဝတ်ခြင်းပိုက်လျက်ပင် ဘယ်လောက်မှမဝေးသော အရီ့ထံပို၍တိုးကပ်လာသည်။ဘေးဘီဝဲယာကိုလည်း ကျီးကန်းတောင်းမှောက်ကြည့်လိုက်သေး၏။အထူးသဖြင့် ကြီးကြီးမြကိုကြည့်ရခြင်းပင်။အတင်းအဖျင်းစကားတို့အား ပြောဆိုခြင်းကို ကြီးကြီးမြကသဘောမကျလှ။သိလျှင် ထိပ်ထုခံရဦးမည်။

"အဲ့တုန်းက အကိုစိုးပိုင်တို့သားအဖကို ကိုကိုကြီးကပိုက်ဆံတော်တော်များများပေးလိုက်ပေမယ့် ဘာကြောင့်ထုတ်လိုက်လဲကို ငါတို့မသိဘူးလေ"

ညိုသွယ့်၏လေသံကို အရီကစိတ်ဝင်တစား ခေါင်းတညိတ်ညိတ်ဖြင့် နားထောင်နေသည်။နဂိုတည်းက အာပေါင်အာရင်းသန်သည့် ညိုသွယ့်၏လေသံတိုးတိုးဟာ သူများတွေရဲ့ပုံမှန်အသံလောက်နီးနီးသွားကျ၏။

"ကိုကိုကြီးပေးလိုက်တဲ့ပိုက်ဆံတွေနဲ့ အကိုစိုးပိုင်ကကားတစ်စီးဝယ်ထားပြီး Taxiမောင်းစားနေတယ်တဲ့။နဖူးစောင်းနဲ့မျက်နှာဘေးတစ်ခြမ်းမှာတော့ အမာရွတ်ကြီးထင်းနေတာပဲဟယ် အဲ့ဒါအကိုလေးနဲ့ကိုကိုကြီးလက်ထပ်ပြီးပြီးချင်းနေ့က အကိုစိုးပိုင်ကအကိုလေးကိုသဘောကျတဲ့အကြည့်နဲ့ကြည့်မိလို့ ကိုကိုကြီးလက်စာမိသွားတယ်ဆိုပဲ"