I married my sister's husband{Completed}

Part-6(Uni and Zawgyi)

Scroll down for Zawgyi❤

"စတော်ဘယ်ရီကိတ်ရောမစားဘူးလား"

ထင်ထင်နှင့်တန်ခူးရိပ်သည် ထမင်းစားခန်းသို့ပင် သွားမနေတော့ဘဲ ဧည့်ခန်းထဲတွင်ပင် လင်းထင်ကျော်ဇောဝယ်လာသည့်ကိတ်တို့ကို နှစ်ယောက်သား ခေါင်းချင်းဆိုင်၍ကို စားနေကြပြီးလင်းထင်ကျော်ဇောမှာ သူ၏အဖိုးတန်လေးနှစ်ယောက်အား မမှိတ်မသုန်စိုက်ကြည့်နေသည်။သို့သော် စတော်ဘယ်ရီကိတ်ကို မထိသည့်တန်ခူးရိပ်ကို သတိထားမိသွားသည့်လင်းထင်ကျော်ဇောက မေးလိုက်တော့ ခေါင်းလေးစောင်း၍ ပြန်ဖြေလာသည့်တန်ခူးရိပ်ကနှုတ်ခမ်းတွင်လည်း ချောကလက်ကိတ်အပိုင်းအစတစ်ချို့ကပ်နေသည်။

"ကူးက စတော်ဘယ်ရီ အလက်ဂျစ်ရှိလို့ပါ"

လင်းထင်ကျော်ဇောက သူ၏လက်မဖြင့်တန်ခူးရိပ်၏ နှုတ်ခမ်းနားမှ ချောကလက်တို့အား ခပ်ဖွဖွသုတ်ယူလိုက်ကာ ထိုချောကလက်ပေသွားသည့် လက်မကို ပြန်စုပ်ယူလိုက်သည်။တန်ခူးရိပ်ကတော့ ယောင်ယမ်းကာ သူ့နှုတ်ခမ်းသူပြန်စမ်းနေတော့သည်။

"အင်း ချိုလိုက်တာ"

တန်ခူးရိပ်၏နှုတ်ခမ်းများကို စူးစိုက်ကြည့်လျက် ခပ်ရိရိပြောလာသည့် လင်းထင်ကျော်ဇောပုံစံကြောင့် တန်ခူးရိပ်လျင်မြန်စွာအကြည့်လွှဲလိုက်တော့သည်။ထင်ထင်ကတော့ ဘာကိုမှအာရုံစိုက်မိပုံမရဘဲ အစားသည်သာတစ်ကမ္ဘာဖြစ်နေခဲ့သည်၊

"ညိုသွယ် အမြိုင် အရီ ရှိတဲ့တစ်ယောက် စာအုပ်နဲ့ဘောပင်ယူပြီး လာပေးကြ"

လင်းထင်ကျော်ဇော၏ အော်သံအဆုံးအရီက စာအုပ်တစ်အုပ်နှင့်ဘောပင်တစ်ချောင်းကိုင်လျက် ထွက်လာပြီး လင်းထင်းကျော်ဇော လက်ထဲသို့တရိုတသေထည့်ပေးကာ နောက်ဖေးထဲသို့ ပြန်ဝင်သွားသည်။တန်ခူးရိပ်ကတော့ ထိုပစ္စည်းများဘာလို့်ယူခိုင်းသလဲကို သိချင်သွားသည်။

"ကဲ ချာတိတ် ပြောတော့"

"ဗျာ...ဘာပြောရမှာလဲ"

စာအုပ်နဲ့ဘောပင်ကိုအကျအနကိုင်ကာ ရေးဟန်ပြင်တော့မည့် လင်းထင်ကျော်ဇောထံမှစကားကြောင့် တန်ခူးရိပ်အနည်းငယ်ကြောင်အမ်းအမ်းဖြစ်သွားခဲ့သည်။