I married my sister's husband{Completed}

Part-38(Uni and Zawgyi)

Scroll down for Zawgyi❤

ဦးဂုဏ်ရောင်သည် သူ၏နှာခေါင်းနား ရောက်နေပြီဖြစ်သောမျက်မှန်ကြီးအောက်ကနေ ရှေ့တွင်အတူတကွပူးထိုင်နေကြသော သားဖြစ်သူနှင့်မောင်တေဇောအား ကြည့်လျက်အကဲခတ်နေသည်။ထူးခြားလှသည့်မနက်ခင်းပင်။မောင်တေဇောကလည်း ပြောစရာရှိသည်ဟုဆိုကာ အိမ်သို့စောစောစီးစီးရောက်ချလာပြီး မနက်ဆိုလည်မြိုတက်နင်းရင်တောင် မထတတ်သည့်သားဖြစ်သူကလည်း မနက်အစောကြီးနိုးနေကာ မောင်တေဇောဘေးတွင်ကပ်ထိုင်နေ၏။

"လာရင်းအကြောင်းပြောပါဦး မောင်တေဇော"

"နားနဲ့နာနာဖဝါးနဲ့နာနာ နာချင်တာနဲ့သာနာပါတော့ အန်ကယ် ကျွန်တော်နဲ့ရည်သွေးနဲ့မေတ္တာမျှနေကြပါတယ်။အဲ့ဒါကြောင့် ကျွန်တော်ရည်သွေးနဲ့စေ့စပ်ချင်ပါတယ်။"

ဦးဂုဏ်ရောင်၏မျက်မှန်အောက်မှ မျက်လုံးမှေးမှေးကျဉ်းကျဉ်းများသည် ထောက်တိုင်နှင့်ထောက်ထားသကဲ့သို့ ပြူးကျယ်သွားတော့သည်။အဲ့ဒီ့အပြင် အတော်လေးမယုံကြည်နိုင်ဖြစ်သွားသည်မှာ ပွင့်ဟသွားသော ပါးစပ်ကသက်သေပင်။

"ဒီလိုပြောရတာကလဲ ကျွန်တော့်မှာမိဘတွေမရှိတော့လို့ အန်ကယ့်ဆီမှာပဲ အရာရာခွင့်ပန်ရတာပါအန်ကယ် ခွင့်ပန်တယ်ဆိုပေမယ့်လည်း အန်ကယ့်ကိုအသိပေးရုံပါ။ကျွန်တော်ကတော့ ရည်သွေးကိုယူကိုယူမှာပါ"

Aidenလို့ခေါ်သည့်တေဇောက ထိုကဲ့သို့တုံးဆိုတိုက်ကျားဆိုကိုက် လိုချင်ပြီဆိုဒါမှဒါ ဘယ်သူ့ကိုမှမငဲ့ဘဲဖြစ်ချင်တာကိုဖြစ်အောင် ဇွတ်လုပ်တတ်သူဖြစ်သည်။ဂုဏ်ရည်သွေးလိုအကြောတင်းမျိုးကလည်း Aidenလိုဇွတ်တရွတ်နိုင်သည့်လူမျိုးနှင့်မှသာ အဆင်ပြေနိုင်သည်။ထိုကဲ့သို့ ဇွတ်တရွတ်ဆန်ဆန်လူနှင့် အကြောတင်းအရွဲ့တိုက်တတ်သည့် နှစ်ယောက်သွားတွေ့ကြလို့လည်း သူတို့ရဲ့fuck buddyဆက်ဆံရေးဟာ တဖြေးဖြေးအဆင့်တက်တက်လာကာ အခုဆိုလျှင်တော့ ပြတ်ဆဲရန်လမ်းမရှိတော့ပေ။

"မောင်ရင် ဘာတွေပြောနေတာတုန်းကွ မင်းပြောတဲ့စကားကိုမင်းသေချာပြန်တွေးမိရဲ့လား။ဒါကလေးကစားစရာမဟုတ်ဘူးကွ"