I married my sister's husband{Completed}

Part-16(Uni and Zawgyi)

Scroll down for Zawgyi❤

ဘေးခြံ၏အိမ်အတက်ကို တန်ခူးရိပ်မသွားဖြစ်ခဲ့ပေမယ့် လက်ျာလဝန်းနှင့်ရက်အနည်းငယ်အတွင်း အတော်လေးကိုရင်းနှီးသည့် ဆက်ဆံရေးဖြစ်သွားခဲ့သည်။လင်းထင်ကျော်ဇောသည်လည်း များပြားလွန်းသည့် အလုပ်ပုံကြားခေါင်းနှစ်နေရသလို ထင်ထင်သည်လည်း မူကြိုကျောင်းသားကြီးဖြစ်နေ၍ နေ့လည်နေ့ခင်းများတွင် တန်ခူးရိပ်၏အဖော်သည် လက်ျာလဝန်းသာဖြစ်ခဲ့၏။

များသောအားဖြင့် စာအုပ်များအကြောင်းဆွေးနွေးရာတွင် လက်ျာလဝန်း၏အမြင်များနှင့်တွေးခေါ်ပုံရှုထောင့်များကြောင့် သူတို့စကားဝိုင်းသည် အတော်လေးအဆင်ပြေသည့့််စကားဝိုင်းဖြစ်ခဲ့သည်။သို့သော် စာအုပ်များအကြောင်းမှလွဲ၍ အခြားအကြောင်းအရာများမပြောဖြစ်ကြ။အထူးသဖြင့် လက်ျာလဝန်း၏ အလုပ်အကိုင်၊မိသားစုအကြောင်းများကို တန်ခူးရိပ်မသိသလို မေးလဲမမေးဖြစ်ခဲ့။

"ဒါဆို အကို့ကိုဒီချစ်သောယွန်းခင်ခင်လေး ငှါးလိုက်ပါဦး။ပြီးရင် အတွေးတွေပြန်ဖလှယ်ကြတာပေါ့။"

တန်ခူးရိပ် ခေါင်းညိတ်ပြလျက် အုတ်တံတိုင်းတွေကြားထဲမှ စာအုပ်လေးအား ထိုးပေးလိုက်သည်။ထိုစဉ် ကားသံကြားလိုက်ရ၍ တန်ခူးရိပ်၏ လှုပ်လှုပ်ရှားရှားဖြစ်သွားသည့် အမူအရာအား ကြည့်ပြီး လက်ျာလဝန်းက ခပ်လေးလေးဆိုသည်။

"ကူးအမျိုးသားပြန်လာပြီထင်တယ်။ နောက်မှတွေ့ကြတာပေါ့။"

"ဟုတ် အဲ့ဒါဆိုတာ့တာနော်။သြော် ပြီးတော့ နောက်ရက် ကူး ဆန်စေးခေါက်ဆွဲလုပ်နည်းရေးပေးဦးမယ် သိလား။"

သူခေါင်းညိတ်ပြလိုက်၏။လှစ်ခနဲပြေးထွက်သွားသည့် ကျောပြင်ငယ်လေးအား ကြည့်ပြီး သက်ပြင်းအသာချလျက် ရေရွတ်လိုက်သည်။

"အချစ်ငှက်တွေ"

ပြီးနောက် ခပ်လှောင်လှောင်ပြုံးလျက် ခေါင်းတခါခါဖြင့် အိမ်ကြီးဆီသို့ ပြန်လှည့်ထွက်သွားတော့သည်။သံယောဇဉ်တွေက သိပ်ခက်တာပဲ။လူကို အားနည်းစေတဲ့အရာတွေ လက်ျာ မင်းအမှတ်ရှိပါတော့ဟု ကိုယ့်ကိုယ်ကိုသတိအထပ်ထပ် ်အခါခါပေးနေသော်ငြား စိတ်၏အလိုဆန္ဒတို့အား သူအဘယ်သို့ ငြင်းဆန်နိုင်မည်နည်း။တန်ခူးရိပ် ငါမင်းကိုအားနာရလောက်အောင်အထိ မဖြူစင်ပါနဲ့တော့။