I married my sister's husband{Completed}

Part-17(Uni and Zawgyi)

Scroll down for Zawgyi❤

မှန်ရှေ့တွင် ယနေ့မှထပ်မံပြောင်းလိုက်သည့် ဆံပင်ခရမ်းရောင်လေးများအား ခပ်ဖွာဖွာဖြစ်သွားစေရန် လက်ဖြင့်နှစ်ချက်ခန့်ထိုးဖွလိုက်သည်။ခေါင်းစွပ်ပါသည့် Hoddieအနက်ရောင်ကို jeanအနက်ရောင်ဖြင့့််တွဲဖက်ဝတ်ထား၍ နဂိုဖြူသည့်အသားမှာ ပို၍ဝင်းမွတ်နေ၏။မျက်ခုံးနားမှပလက်တီနမ်ကွင်းလေးသည်လည်း တဖျက်ဖျက်လက်နေသည်။နောက်ဆုံးပိတ်အနေဖြင့် Chanel no.5 ရေမွှေးအား ခန္ဓာကိုယ်ကို တစ်ပတ်လှည့်၍ ဖြန်းပြီးသည့်နောက် ဂုဏ်ရည်သွေး၏clubသွားရန် ပြင်ဆင်ခြင်းလည်းပြီး၏။

သူ၏Lamborghini ကားသစ်လေး၏ကားသော့အား ဝှေ့ယမ်းကာ လေတစ်ချွန်ချွန်ဖြင့် လှေကားထစ်တစ်လျှောက်တက်ကြွစွာ ဆင်းလာကာ အောက်ရောက်ခါနီးတွင် ခန္ဓာကိုယ်အား နံရံဖြင့်အသာကွယ်လျက် ဧည့်ခန်းထဲတွင် ပါပါးရှိမရှိချောင်းရသေးသည်။မဟုတ်လျှင် နားပူဦးမည်။ကိုယ်ဟာကိုယ်တောင် စိတ်အဆင်မပြေသည့်ကြားထဲ ထပ်၍ အဆူမခံနိုင်ပါ။

တစ်ဆက်တည်း ပတ်ထားသည့်နာရီအားကြည့်လိုက်တော့ ညရှစ်နာရီခွဲ။သူလည်း တိုးတိုးတိတ်တိတ်သာ ခြံထဲမှကားထုတ်ပြီး အပြင်ရောက်တော့ ဒုန်းဆိုင်းကိုမောင်းလိုက်ကာ Clubဆီသို့ ဦးတည်လိုက်တော့သည်။

သူ၏စိတ်အဆင်မပြေမှုကိုပြောရမည်ဆိုလျှင် Aidenဆိုသည့် သက်ကြားအိုကြီးကြောင့်ဖြစ်သည်။သူတို့နှစ်ယောက်၏ဆက်ဆံရေးမှာ လိုအင်ဆန္ဒကြောင့်သာ ပတ်သက်နေရသောဆက်ဆံရေးဟု သူတွေးမိသည်။သို့သော်လည်း နည်းနည်းပါးပါးတော့ လာမတွေ့နိုင်သည့်ရက်များတွင် သူ့အားအကြောင်းကြားသင့်သည်လေ။ဒါမှ သူလည်း သေတာရှင်တာသိရပြီး နောက်ထပ်sex partnerတစ်ယောက်ရှာနိုင်အောင်ပေါ့။

အခုတော့ ထိုသက်ကြားအိုကြီးမှာ တစ်ပတ်နီးနီးလောက်ပျောက်နေပြီး ယနေ့shopping mallတစ်ခုတွင် အမျိုးသမီးတစ်ဦးနှင့် ကော်ဖီဆိုင်ထိုင်နေသည်ကို သူ့မျက်လုံးနှစ်လုံးနှင့် အသေအချာကိုတွေ့ခဲ့ရသည်။သဝန်တိုတာလုံးဝမဟုတ်ပါဟု သူ့ကိုယ်သူသေချာပြောမိသည်။သူက ဒီအတိုင်းသူနှင့်ပတ်သက်နေဆဲကာလမှာ တခြားလူနှင့်မဆက်ဆံရဘူးဆိုသည့် သူ့စကားကိုမခန့်လေးစားလုပ်၍ ဒေါသထွက်ခြင်းသာ။