I married my sister's husband{Completed}

Part-8(Uni and Zawgyi)

Scroll down for Zawgyi❤

ကျယ်ဝန်းလှသည့်ဧည့်ခန်းကြီးတွင် ထိုင်နေကြသူမှာ နှစ်ယောက်တည်း။လင်းထင်ကျော်ဇောက ဆင်စွယ်ရောင်ဆိုဖာဆက်တီကြီးပေါ်တွင် ခြေချိတ်ထိုင်လျက် စားပွဲပေါ်မှ Laptopဆီသို့အာရုံစိုက်ကာ အလုပ်လုပ်နေသည်။ဘေးတွင်တော့ ထင်ထင်လေးမှာရောင်စုံခဲတံများ ပြန့်ကျဲလျက် သူ၏spider manပုံလေးအား ဝမ်းလျားမှောက်၍စူးစိုက်ကာ လက်ဖောင်းဖောင်းလေးများဖြင့် အင်တိုက်အားတိုက် ဆေးခြယ်နေ၏။

အပြင်ဘက်တွင်တော့ ကောင်းကင်ဟာ မှောင်မဲလျက် တိုင်ကပ်နာရီကြီးသည်လည်း ညရှစ်နာရီစွန်းစွန်းကို ညွှန်ပြနေသည်။ခဏအကြာတွင်တော့ ထမင်းစားခန်းထဲမှ တန်ခူးရိပ်ဟာ ပန်းကန်လုံးအကြီးကြီးကို ဗန်းပေါ်တင်ကာ ဖြေးဖြေးချင်း ကိုင်လျက်ထွက်လာသည်။

ထိုအချင်းအရာကို မြင်မြင်ချင်းလင်းထင်ကျော်ဇောမှာ အလုပ်တွေအားပစ်ချလျက် တန်ခူးရိပ်အနားသို့ လေအဟုန်ကဲ့သို့လျင်မြန်သည့် ခြေလှမ်းကျဲကြီးများဖြင့် ရောက်သွားပြီး အငွေ့တထောင်းထောင်းထနေသည့် ဗန်းကိုလက်လွှဲယူလိုက်တော့သည်။

"ကိုယ့်ကို ခေါ်လိုက်တာမဟုတ်ဘူး မတော်လို့အပူလောင်သွားရင်တော့ မင်းယောက်ျားရင်ကျိုးရချည်ရဲ့"

တန်ခူးရိပ်မှာ ဘာမှမပြော။မပြောတတ်တော့တာဆို ပိုမှန်လိမ့်မည်။အခုတလော လင်းထင်ကျော်ဇောက မင်းယောက်ျားဆိုသည့်အသုံးအနှုန်းကို ခဏခဏသုံးတတ်လာသည်။ထိုသို့သုံးနှုန်းလိုက်တိုင်းလည်း တန်ခူးရိပ်မှာ နားရွက်ဖျားများနှင့် ပါးဖြူဖြူလေးဟာ သွေးရောင်သမ်းသွားလျက် ခေါင်းကိုပိုငုံ့ချလိုက်တော့တာပင်။လင်းထင်ကျော်ဇောသည်လည်း ထိုအပြုအမူလေးတိုင်းကို ချစ်နေရသည်။

အိမ်အကူများမှာ အစေခံတန်းလျားလိုမျိုး သူတို့အတွက်သီးသန့်ဆောက်ပေးထားသည့် အိမ်နောက်ဘက်ရှိ အိမ်အပုလေးတွင်နေကြသည်မလို့ ညခုနှစ်နာရီခွဲလောက်ဆို ပင်မအိမ်ကြီးထဲတွင် တန်ခူးရိပ်တို့မိသားစုမှလွဲ၍ ဘယ်သူမှမရှိကြတော့။ထို့ကြောင့် ဗိုက်ဆာသည်ဆိုသည့် ထင်ထင်လေးအား တန်ခူးရိပ်က ကြက်ဥခေါက်ဆွဲထလုပ်ပေးရခြင်းပင်။