I married my sister's husband{Completed}

Part-31(Uni and Zawgyi)

Scroll down for Zawgyi❤

"ဝေါ့...."

နောက်ဖေးဘေစင်မှ အော့အန်သံတစ်ချို့ကြောင့် အရီခေါင်းအသာခါလိုက်သည်။ဒါနဲ့ဆို သုံးကြိမ်မြောက်ပဲ။အကိုလေးက ကိုယ်ဝန်သည်လိုခဏခဏကိုအန်နေတာ့တာ။ကိုကိုကြီးကလည်း အလုပ်ကိုမသွားတော့။အကိုမြတ်သူကပဲ ဖိုင်တွေတစ်ပွေ့တစ်ပိုက်နှင့်အိမ်ကိုရောက်ရောက်လာတတ်သည်။

အကိုလေးကနူးနူးညံ့ညံ့လေးဟုထင်ရသော်လည်း ခေါင်းမာသည့်နေရာတွင်တော့ ကိုကိုကြီးပင်မဖျောင်းဖျနိုင်။သူမထပ်တွေးလိုက်ပါသည်။ကိုကိုကြီးကအကိုလေးကို အဆမတန်အလိုလိုက်လွန်းတာကို။

"ကူကူးငယ်လေးရယ် ဆရာဝန်နဲ့ပြလိုက်ပါ လိမ္မာပါတယ်"

တန်ခူးရိပ်၏ကျောကုန်းကို ခပ်ဖွဖွဖိပေးလျက် လင်းထင်ကျော်ဇောကထပ်၍ဖျောင်းဖျသည်။တန်ခူးရိပ်ကတော့ ဘေစင်ထဲခေါင်းစိုက်မတတ်ဖြစ်နေသည့်တိုင် ခေါင်းခါမြဲခေါင်းခါဆဲ။တန်ခူးရိပ်၏ အကြောင်းပြချက်ကတော့ရှင်းပါသည်။သူစိမ်းတစ်ယောက်က သူ့ကိုထိတွေ့စမ်းသပ်တာမခံချင်ဘူးဟူ၍ပင်။

ဒီလိုဆိုပြန်တော့လည်း လင်းထင်ကျော်ဇောကိုယ်တိုင်ကိုက အလိုလိုက်လွန်းထားသည့် ကလေးအား အတင်းအကြပ်မတိုက်တွန်းချင်တော့ပြန်။သို့တိုင်အောင် တန်ခူးရိပ်တစ်ခါအန်တိုင်း ဆရာဝန်ပြဖို့တော့တစ်ခေါက်တိုက်တွန်းရှာပါသည်။တန်ခူးရိပ်အနည်းငယ်မာန်မဲ၍ ငြင်းလိုက်ရင်တော့ ဆက်မပြောရှာတော့။ပါးစပ်ပိတ်၍သာ ကျောအသာနှိပ်ပေးပါသည်။

"ကူကူး ဒယ်ဒီ ထင်ထင်ပြန်လာပါပြီဂျ"

အိမ်ရှေ့မှအော်သံနှင့်အတူ ဒုန်းဆိုင်းပြေးဝင်လာသော ခြေသံသေးသေးကိုပါကြားလိုက်ရတာကြောင့် တန်ခူးရိပ်သည်အော့အန်ခြင်းလည်းပြီး၍ နောက်ဖေးမှ ထွက်လာခဲ့လိုက်သည်။သေချာပေါက် လင်းထင်ကျော်ဇောသည်လည်း နောက်ကကပ်ပါလာတာပေါ့။နဂိုတည်းကမှ တန်ခူးရိပ်အနားအရိပ်လိုကပ်နေတတ်တာ ယခုလိုအချိန်မျိုးတွင် ပို၍ဆိုးသည်။

ပထမကတော့ တန်ခူးရိပ်နှင့်လင်းထင်ကျော်ဇောကိုယ်တိုင် ထင်ထင့်အားအဖွားအိမ်မှသွားပြန်ခေါ်ကြဖို့ပေမယ့် တန်ခူးရိပ်၏ လက်ရှိအခြေအနေကြောင့်မသွားဖြစ်ကြ။အဲ့ဒီ့အပြင် လင်းထင်ကျော်ဇောသည်လည်း တန်ခူးရိပ်အနားမှ လုံးဝမခွာတာကြောင့် မြတ်သူကသွားကြိုပေးရသည်။လိုရမယ်ရ လုံခြုံရေးအတွက်reyကိုပါထည့်ပေးလိုက်တာကြောင့် မတည့်သည့်မြတ်သူတို့နှစ်ယောက်သည်လည်း ခရီးအတူသွားခဲ့ကြရတော့သည်။