I married my sister's husband{Completed}

Part-3(Uni and Zawgyi)

Scroll down for Zawgyi

တန်ခူးရိပ်၏ နှုတ်ခမ်းများဟာ ရွှေငါးတစ်ကောင်၏ ပါးစပ်လို ဝလုံးသဏ္ဍာန် ပွင့်ဟသွားတော့သည်။မျက်ဆံနက်နက်လေးများဟာ ပြူးကျယ်ဝိုင်းစက်လျက် အံ့သြမယုံနိုင်ခြင်းများဟာ မျက်ဝန်းထဲဖြတ်ပြေးနေခဲ့သည်။

"မမကြီးဆုံးသွားတာ ဦးအတွက်တော်တော်လေးစိတ်ထိခိုက်စေမယ်
မှန်းမသိခဲ့ဘူး။ဂယောင်ခြောက်ခြားတွေ ပြောမနေပဲနဲ့ ကောင်းကောင်းအနားယူလိုက်ပါ။"

ထိုအချိန်တန်ခူးရိပ်နှင့်လင်းထင်ကျော်ဇောထိုင်နေသည့်ဧည့်ခန်းသို့ ညိုသွယ်ဆိုသည့် အိမ်အကူကောင်မလေးက ထင်ထင်လေးအားချီ
လျက်ရောက်လာသည်။

"ထင်ထင်ကနိုးနိုးချင်း အကိုလေးကိုမေးပြီးငိုနေလို့။"

ညိုသွယ်က ထင်ထင်အားတန်ခူးရိပ်ပေါင်ပေါ်တင်ပေးလိုက်တော့ တန်ခူးရိပ် ငိုထားသည့်ထင်ထင့်ပါးပေါ်မှမျက်ရည်စများကို လက်မဖြင့်ဖွဖွသုတ်ပေးလျက် ကျောကုန်းလေးကိုဖြေးဖြေးချင်းပွတ်
ပေးကာ...

"အင်းအင်း မငိုနဲ့နော် ကူကူးရှိတယ် ကူကူးရှိတယ်။ကူကူးထင်ထင်လေးငိုရင် ကူကူးကမချစ်ပဲနေလိုက်မှာ။"

"အင့် ချစ် ငိုတော့ဘူး။"

ရှိုက်သံပိစိလေးထွက်လာ၏။လင်းထင်ကျော်ဇောက ထိုမြင်ကွင်းကို
မမှိတ်မသုန်ကြည့်ကာ...

"တွေ့လား သားကမင်းကိုလိုတယ်။ပြီးတော့ ကိုယ်ရောပဲ။"

တန်ခူးရိပ် နှုတ်ခမ်းအသာကိုက်ထားမိသည်။သူ့ခေါင်းထဲမှာ အရာအားလုံးကရှုပ်ထွေးနေခဲ့သလို အဖြစ်အပျက်တွေအားလုံးနဲ့
လင်းထင်ကျော်ဇော၏ စကားမှန်သမျှကိုနားလည်နိုင်ဖို့သူ့ဦးနှောက်
သေးသေးလေးမှာမစွမ်းသာခဲ့။

"ဦး ကူးကမိန်းကလေးနဲ့တူတယ်ဆိုပေမယ့်မိန်းကလေးတစ်ယောက်
မဟုတ်သလို ကူးတို့တော်စပ်မှုကလည်း ဘယ်လိုမှမသင့်တော်ပါဘူး
ပြီးတော့ မမကြီးဆုံးတာတောင်တစ်လမပြည့်သေးတဲ့အချိန်မှာဘာလို့
များဒီလိုပြောထွက်ရတာလဲ။"

တန်ခူးရိပ်မှာ သူတစ်ပါးကိုဒေါသထွက်တတ်ဖို့ဝေးစွ လေသံမာမာဖြင့်
ပင်မပြောဖူးသည့်အလျောက် ထိုစကားပြောလိုက်သည့်အချိန်တွင်လဲ
သူ့အသံတွေမှာ ဒေါသသံမပါခဲ့။အဲ့ဒီ့အစား ကြောက်ကြောက်နှင့်
ပြောရသည်ကြောင့် အသံတို့မှာအနည်းငယ်တုန်ယင်နေခဲ့သည်။