I married my sister's husband{Completed}

Part-23(Uni and Zawgyi)

Scroll down for Zawgyi❤

နှိုးရခက်သောထင်ထင်သည် မနက်နေမပွင့်ခင်တည်းက တန်ခူးရိပ်တို့အခန်းထဲဝင်လာကာ အိပ်ယာပေါ်တွင်ခုန်ပေါက်လျက် သူ့ဒယ်ဒီနှင့်ကူကူးကို စတင်နှောင့်ယှက်တော့သည်။လင်းထင်ကျော်ဇောဖက်ထားသည့် တန်ခူးရိပ်အပေါ်မှ လက်တို့အားဖယ်ချကာ နှစ်ယောက်ကြားထဲတွင် အတင်းတိုးဝင်သည်။လင်းထင်ကျော်ဇော၏ ကိုယ်ပေါ်သို့ ကုတ်ကပ်တက်သည်။

လွန်ခဲ့သောလမှစ၍ မူကြိုကျောင်းမှသူငယ်ချင်းဖြစ်သူက တစ်ယောက်တည်းသီးသန့်အိပ်နေပြီဆိုတာကိုလည်း သိရော ပြန်ရောက်ရောက်ချင်း သူ့ကိုလည်း အခန်းသီးသန့်လုပ်ပေးရန်ပူဆာလာသဖြင့် လင်းထင်ကျော်ဇောမှာ ချက်ချင်းကုတင်တွေမှာ၊အခန်းပြင်ဆင်သည့် decorationအဖွဲ့ကိုခေါ်နှင့််နှစ်ရက်အတွင်းပြီးအောင် လုပ်ပေးလိုက်ရသည်။

တန္ခူးရိပ္ကတော့ စစချင်းတွင်ထင်ထင်တစ်ယောက်တည်း အတင်ပြေရဲ့လား စိတ်ပူသည်။ထို့ကြောင့် ညလယ်ခေါင်တွင်ထင်ထင့်အခန်းသို့ သွားကြည့်တတ်သည်။ထင်ထင်ကတော့ နှစ်နှစ်ခြိုက်ခြိုက်အိပ်သော်လည်း မအိပ်သည်ကလင်းထင်ကျော်ဇောပင်။ဘေးနားတွင် တန်ခူးရိပ်ထသွားသည်နှင့် ချက်ချင်းနိုးလာပြီး တန်ခူးရိပ်အနောက်သို့ အရိပ်လိုပင် လိုက်တတ်သည်။

ကြာတော့ နှစ်နှစ်ခြိုက်ခြိုက်အိပ်ပျော်သည်က ထင်ထင်ဖြစ်ပြီးမအိပ်ပျော်သည်က လင်းထင်ကျော်ဇောဖြစ်တာကြောင့် တန်ခူးရိပ်လည်း ညသန်းခေါင်တွင်ထမကြည့်တော့။သူ့အမျိုးသားက သနားဖို့ကောင်းလောက်အောင် ထင်ထင့်ထက်တွယ်ကပ်နေသည်လေ။

"ဒယ္ဒီ ဒယ္ဒီ ထတော့"

လင်းထင်ကျော်ဇော၏ ကိုယ်ပေါ်တွင် ပုတ်သင်ညိုလို ဖက်တက်လျက် ထင်ထင်သည် သူ့ဒယ်ဒီ၏နှာတံမြင့်မြင့်အား သူ့လက်ဖောင်းဖောင်းလေးများဖြင့် ပိတ်ချလိုက်၏။တန်ခူးရိပ်ကတော့ နိုးနေပြီဖြစ်သည်။ဘေးနားတွင် လက်ထောက်ကာ သားအဖနှစ်ယောက်အားကြည့်နေ၏။

လင်းထင်ကျော်ဇောသည် မ်က္လုံးတစ္ဖက္ကို ခိုးကြောင်ခိုးဝှက်ဖွင့်လိုက်ကာ ထင်ထင်နှင့်တန်ခူးရိပ်ကိုကြည့်ပြီးနောက် စကားသံထွက်လာသည်။