I married my sister's husband{Completed}

Part-15(Uni and Zawgyi)

Scroll down for Zawgyi ❤

(Mystery of love ဆိုတဲ့သီချင်းလေးထည့်ပေးထားပါတယ်၊အဲ့ဒါလေးနားထောင်ဖို့အကြံပြုပါရစေရှင်။)

တန်ခူးရိပ်သည် ခြံထဲရှိ ဒန်းပေါ်တွင် ထိုင်ကာ စာအုပ်တစ်အုပ်အား စိတ်ဝင်တစားဖတ်နေခဲ့သည်။ထင်ထင်သည်လည်းမူကြိုသွားကာ ညေနမွသာ သူ့ဒယ်ဒီနှင့်အတူပြန်လာလိမ့်မည် ဖြစ်တာကြောင့် တန်ခူးရိပ်တွင် စာဖတ်သည်မှလွဲ၍ ထွေထွေထူးထူးလုပ်စရာမရှိ။ထိုစဉ် ခြံတံခါးဝရှိ ငွေခေါင်းလောင်းလေးဟာ လှုပ်ခတ်ခံလိုက်ရကာ ခြံရှေ့တွင်လည်း တစ်စုံတစ်ယောက်ရပ်နေ၏။

တန်ခူးရိပ် လက်ထဲမှာ စာအုပ်ကိုင်လျက် ခြံစောင့်ဦးလေးကြီးကို ဟိုဟိုဒီဒီမျက်စိဝေ့ကြည့်လျက် လိုက်ရှာမိတော့မတွေ့။နေ့လယ်နေ့ခင်း နားနေတာဖြစ်မည်ပေါ့။ညိုသွယ်တို့ကိုလည်း တကူးတက ခေါ်မနေချင်တော့၍ ကိုယ်တိုင်ပင်ထသွားလိုက်တော့သည်။

"ဘာကိစ္စများရှိလို့လဲ မသိဘူး"

ခြံတံခါးအပြင်ဖက်မှလူကို သူတွေ့ဖူးနေသယောင်ယောင်ရှိပေမယ့် ဘယ်မှာတွေ့ဖူးလဲ စဉ်းစားမရ။အဲ့ဒီ့စင်ယော်တောင် ်မျက်ခုံးမွှေးတွေအား သူရင်းနှီးနေသည်။တန်ခူးရိပ်မေးခွန်းကို ထိုလူက နှစ်လိုဖွယ်ပြုံးပြလျက်...

"သစ်ခွကောင်လေးက အကို့ကိုမမှတ်မိဘူးလား"

တန်ခူးရိပ် သူ၏မျက်ခုံးထူထူလေးအား အနည်းငယ်တွန့်ချိုးလျက် ဦးနှောက်အားအလုပ်ပေးလိုက်သည်။ပြီးနောက် မျက်နှာသေဖြင့် ခေါင်းခါပြလိုက်၏။သစ်ခွ၊ဘယ်က သစ်ခွကောင်လေးလဲ။

"ဘေးခြံကလေ တစ်နေ့ကခြံနောက်ဖက် သစ်ခွအပင်တွေကြားမှာ တွေ့ကြသေးတယ်လေ"

ထိုအခါမွ တန်ခူးရိပ်မှတ်မိတော့သည်။သရဲခြောက်ခံရပြီဟု ထင်သည့်နေ့က တွေ့ခဲ့သည့်ဘေးခြံကလူ။အုတ်ကွက်တွေကြားမှ မသဲမကြဲတွေ့လိုက်ရခြင်း ဖြစ်သည့်အပြင် တန်ခူးရိပ်သည် လူစိမ်းတို့အား မျက်နှာမမှတ်ထားတတ်။ထို့ကြောင့်ရုတ်တရက် မြင်ဖူးသည်ဟုတွေးမိပြီး ဘယ်အချိန်တုန်းက တွေ့ဖူးခဲ့သည်ကိုမမှတ်မိ။ယခုမှ ရှင်းရှင်းလင်းလင်းမှတ်မိတော့သည်။