I married my sister's husband{Completed}

Part-2(Uni and Zawgyi )

Scroll down for Zawgyi❤

သူ့လက်ကိုဆွဲခေါ်နေသည့် လက်ဖောင်းဖောင်းလေးများ၏ပိုင်ရှင် ထင်ထင့်ကိုတစ်လှည့် ကုတင်ပေါ်မှမမကြီးကိုတစ်လှည့် တန်ခူးရိပ် အကူအညီတောင်းသည့်မျက်လုံးများနဲ့ ကြည့်လိုက်သည်။သူတကယ်ကို မမကြီးခင်ပွန်းကို မမြင်ရသေးခင်တည်းက ကြောက်နေမိတာပါ။

"သားကို အောက်လိုက်ပို့ပေးလိုက်ပါ ကူးရယ်။မမကြီးလဲ ခဏနားချင်ပြီ။"

ပင်ပန်းနေပုံပေါ်သည့် မမကြီးပုံစံကြောင့် တန်ခူးရိပ်ဘာမှဆက်မပြောသာတော့ဘဲ အခန်းတံခါးအသာပိတ်ပေးပြီး ထင်ထင်လေးကို ကောက်ပွေ့လျက် ရှည်လျားလွန်းလှသည့်လှေကားထစ်များကို နင်းဖြတ်ပြီးဆင်းလာခဲ့ရသည်။လက်ဖျားတွေဟာ အေးစက်ကာ ချွေးစေးတွေပြန်နေခဲ့သည်။

"ကူကူး hairဒွေကို ထင်ထင်like"

ထင်ထင်လေးက ပွေ့ချီထားသည့် တန်ခူးရိပ်၏လည်ပင်းတွေကြားတိုးဝင်ကာ ဂုတ်ထောက်ဆံပင်လေးတွေအား ထိကိုင်ကာဆော့နေ၏။တန်ခူးရိပ်၏ဂုတ်ထောက်ဆံပင်အုပ်အုပ်လေးများမှာ ကလေးတွေအတွက် သဘောကျစရာဖြစ်နေတော့သည်။

သုံးထပ်တိုက်ဖြစ်တာကြောင့် ပထမအထပ်လှေကားခွင်မှာတင် အောက်မှတက်လာသည့် မမကြီး၏ ခင်ပွန်းဖြစ်သူ ဦးလင်းထင်ကျော်ဇောကို ဘွားခနဲတွေ့လိုက်ရတော့သည်။

တွေ့တွေ့ချင်း သူ့အားစူးစိုက်ကြည့်နေသည့် သိမ်းငှက်မျက်လုံးသဏ္႑ာန် စူးရှသည့်မျက်ဝန်းများကို တန်ခူးရိပ် ရင်မဆိုင်နိုင်ရဲစွာ အကြည့်အရင်လွှဲလိုက်မိသည်။

"ထင်ထင် ဒယ္ဒ့ီလာပါဦး။"

ထိုအသံမွာ သြဇာသံအပြည့်ပါသလောက် တစ်ချိန်တည်းမှာပဲနူးညံ့ပြီးလူကြီးလူကောင်းဆန်သည်ဟုလည်း တန်ခူးရိပ်ထင်မိသည်။လွှမ်းမိုးနိုင်စွမ်းကြီးသည့် အသံမျိုးပင်။

"No ထင်ထင် ကူကူးနဲ့ညေမှာ။"

အပေါ်မှာတုန်းက ဒယ္ဒီ ဒယ်ဒီဆိုပြီးအသည်းအသန်အောက်ဆင်းခိုင်းသည့် ထင်ထင်လေးမှာ အခုလိုကျတော့လဲ ချီထားသည့်တန်ခူးရိပ်၏ လည်ပင်းများကိုပိုခိုတွယ်လိုက်ကာ လင်းထင်ကျော်ဇောထံမသွားတော့။ကလေးတွေစိတ်က နားလည်ရအခက်ဆုံးပင်။