I married my sister's husband{Completed}

Part-32(Uni and Zawgyi)

Scroll down for Zawgyi❤

လင်းထင်ကျော်ဇောသည် သူ၏ဆုံလည်ကုလားထိုင်တွင်ထိုင်ရင်း တန်ခူးရိပ်၏မွေးနေ့အမှီ အမှတ်ရစရာတစ်စုံတစ်ခုအား ပြုလုပ်ပေးရန် စိတ်အားထက်သန်လျက် ကုမ္ပဏီသို့လာစဉ်ခဏ၌ Aidenကိုပါခေါ်လိုက်ကာ အကြံတစ်ချို့တောင်းခံရန်ကြံရွယ်ထားသော်လည်း ယခုတော့ Aidenစကားတွေကိုသာ မျက်မှောင်ကုတ်လျက်ကြိတ်မှိတ်နားထောင်နေရတော့သည်။

"ငါ့ကို လုံးဝမတွေ့ချင်ဘူးတဲ့ကွာ လင်းထင် မင်းစဉ်းစားကြည့်၊အဲ့နေ့က ငါရိုက်မိတာလွန်သွားတယ်ဆိုပေမယ့် သူပြောတဲ့ပုံစံကိုလည်းကြည့်ဦးလေ။"

Aiden၏ထိုပုံစံအား လင်းထင်ကျော်ဇော ဘဝတစ်လျှောက်လုံးမတွေ့ခဲ့ဖူးတာတော့ အမှန်ပင်။Aidenသည် အလုပ်ကိစ္စများတွင်လေးနက်သော်လည်း အခြားလူမှုရေး၊အချစ်ရေးနှင့်အထွေထွေသော ဘဝရေးရာများတွင် လူပျော်၊လူပြက်တစ်ယောက်လို အလေးအနက်မထားတတ်။အချစ်ရေးတွင် ပို၍ပင်ဆိုးသေး။one night standများမှိုလိုပေါက်ကာ တစ်လတွင်မော်ဒယ်လေးတစ်ယောက်တော့လဲတတ်၏။

"မတွေ့ချင်သွားမတွေ့နဲ့ပေါ့"

Laptopတွင်ပေါ်နေသော stockအတက်အကျနှုန်းများအား မျက်စိမလွှဲဘဲ လင်းထင်ကျော်ဇောက ခပ်အေးအေးဆို၏။သူဒီကောင့်ရဲ့ ချစ်ရေးချစ်ရာများကို ထိုင်နားထောင်ရင်းညနေစောင်းသွားမှာကိုတောင် တွေးပူနေရပြီ။တွေးပူတာတော့ အခြားမဟုတ်။ကူကူးက နေ့လည်ထမင်းချိုင့်လာပို့ပေးမည်ဟု ပြောထားသည်။ဟိုကောင်ငတ်ကြီးကျမှာကိုသာ စိုးရိမ်နေခြင်း။

"မင်းရောတန်ခူးရိပ်ကိုမတွေ့ရဘဲနေနိုင်လို့လား"

"မတွေ့ရစရာဘာအကြောင်းမှမရှိဘူး တရားဝင်ယူထားတာ"

လင်းထင်ကျော်ဇောသည် ဂုဏ်ယူဝံ့ကြွားသောလေသံဖြင့် နှုတ်ခမ်းတစ်ချက်တွန့်ရုံမျှခပ်လှောင်လှောင်ပြုံးလျက်ပြော၏။အကြည့်သည်လည်း Aiden၏ပတ်တီးဖြင့်တန်ဆာဆင်ထားသော လက်အားတစ်ချက်စွေကြည့်လိုက်သေး၏။ပြီးနောက် သူ့လက်မှဆင်တူလက်ထပ်လက်စွပ်အားထောင်ပြလိုက်၏။

"တကယ်ကြီးလက်လွှတ်လိုက်တော့မယ်ပေါ့"

မှောင်ခိုကိစ္စများနှင့်ပတ်သက်၍ Aidenကလင်းထင်ကျော်ဇောအားမေးသည်။အခုဆို လင်းထင်ကျော်ဇောတွင် တရားမဝင်လုပ်ငန်းများနှင့် ပတ်သက်၍ဘာဆိုဘာမှမရှိတော့။Aidenအားခွဲပေးသင့်သည်ကိုခွဲပေးကာEhanဂိုဏ်းနှင့်လက်ျာလဝန်း၏အကြောင်းစုံ၊ယုတ်စွအဆုံးနေဝန်းသာနှင့်ငယ်ကတည်းက ကွဲကွာခဲ့သည့်ညီဖြစ်သည်ကအစ စုံစမ်းပေးသောအခြားအောက်ခြေ ဂိုဏ်းဂဏလေးများကိုလည်း ထိုက်သင့်သည်အလျောက်ခွဲပေးလိုက်သည်။