I married my sister's husband{Completed}

Part-26(Uni and Zawgyi)

Scroll down for Zawgyi❤

သတင်းစာရှင်းလင်းပွဲပြီးတဲ့နောက် လင်းထင်ကျော်ဇောဟာ အိမ်သို့ဒုန်းစိုင်းပြန်ပြေးချင်သော်ငြား မပြီးမပြတ်သေးသည့် ကိစ္စများကိုဖြေရှင်းရန် ကုမ္ပဏီသို့ဦးတည်ရသည်။Novotel hotelမှထွက်ထွက်ချင်း ကားသော့အား ဘေးမှတစ်ဖဝါးမခွာလိုက်လာသည့် မြတ်သူထံပစ်ပေးလိုက်ကာ ကားနောက်ခန်းတွင် ဒူးချိတ်ဝင်ထိုင်လိုက်၏။Securityများနှင့် ကင်မရာမီးရောင်တဖျတ်ဖျတ်နှင့် သတင်းထောက်များဟာနောက်တွင်ကျန်ခဲ့ချေပြီ။

"ပုံတွေပြန့်သွားတဲ့ကိစ္စ အနှေးနဲ့အမြန်သိချင်တယ် မင်းစုံစမ်းလို့မရရင် reyကိုပါထပ်စုံစမ်းခိုင်းလိုက်"

လင်းထင်ကျော်ဇောက မကြာမီဖြစ်လာတော့မည့် ရှယ်ယာအတက်အကျကို စောင့်ကြည့်ရန်i padတစ်လုံးဖြင့်အလုပ်ရှုပ်နေရင်းမှ ကားမောင်းနေသည့်မြတ်သူကိုလည်း ညွှန်ကြားရန်မမေ့။

"reyနဲ့လား"

မြတ်သူ၏တိုးဖွဖွ ငြီးတွားသံကို လင်းထင်ကျော်ဇော သတိမထားမိတော့။မြတ်သူကတော့ နေရင်းထိုင်ရင်းနဲ့ကို စိတ်ရှုပ်ထွေးသွားရတော့သည်။သူတကယ်ကို reyဆိုသည့်ရေခဲမျက်နှာအား ကြည့်လို့မရပါ။

လင်းထင်ကျော်ဇောသည် i padကိုခဏချလျက် လက်ကိုင်ဖုန်းကိုထပ်ထုတ်သည်။ထို့နောက် contact nameထဲမှ My summerဆိုသည့်အသည်းပုံအပြာလေးနှင့် မှတ်ထားသည့်ဖုန်းကိုဆက်လိုက်၏။

"ကိုယ်နှိုးမိသလိုဖြစ်သွားလား ကူကူးငယ်"

".........."

တစ်ဖက်မှ အိပ်ချင်မူးတူးဖြစ်မနေတော့သည့် အသံကြည်ကြည်လေးကြောင့် လင်းထင်ကျော်ဇောပြုံးလိုက်သည်။နိုးနေပြီထင်ပါရဲ့။

"ကိုယ့်အလွမ်းကြောင့်နဲ့တော့ ကူကူးငယ်ရဲ့အိပ်ချိန်တွေကိုနှောက်ယှက်မိသလိုဖြစ်မှာစိုးလို့ပါဗျာ"

နောက်ကြည့်မှန်မှတစ်ဆင့် မြတ်သူသည် သူ၏ဥက္ကဋ္ဌမျက်နှာအား အသေအချာပြန်ကြည့်ယူလိုက်ရသည်။ပြုံးတုံ့တုံ့မျက်နှာက ကြည်နူးဟန်အပြည့်ပင်။လူတွေများ အချစ်နဲ့တွေ့ရင်ကို တယ်ခက်ကြသကိုး။