I married my sister's husband{Completed}

Part-4(Uni and Zawgyi)

Scroll down for Zawgyi ❤

လင်းထင်ကျော်ဇောကို ရှက်ရှက်ဖြင့် ကလေးကောက်ပွေ့ပြီးအပေါ်တက်လာရပေမယ့် တန်ခူးရိပ်မှာ အပေါ်ထပ်တွင်လည်း ဘာမွ မည်မည်ရရလုပ်စရာမရှိ။

ပုဆိုးလဲဖို့ အဝတ်ရှာနေသည့်တန်ခူးရိပ်ကို အိပ်ယာပေါ်မှထင်ထင်လေးက လက်ယပ်ခေါ်လျက်...

"ကူကူး ထင်ထင့်ဂို ပုံညင်ကြောပြ"

"အခုမှနေ့လည်ကြီးလေ ထင်ထင်ရဲ့"

ညနေတောင်မစောင်းသေးဘဲ ပုံပြင်ပြောပြခိုင်းနေသည့်ကလေးအား တန်ခူးရိပ် အဝတ်ယူနေရင်းမှပြောလိုက်သည်။ပြောသာပြောရတာပါ။ထင်ထင်က ထပ်တောင်းဆိုလျှင်တန်ခူးရိပ်ကပြောပြဖို့အသင့်ပါပဲ။

"No အထုကြော"

ထင်သည့်အတိုင်းပင် အလိုလိုက်ခံရသည့်ထင်ထင်လေးမှာ လိုချင်တာဆို အခုဆိုအခုရမှဖြစ်မည်ဆိုသည့်ဉာဉ်ကလေးရှိနေ၏။ဒါဟာလည်း အလိုလိုက်သည့်သူ့ဒယ်ဒီနှင့်ဆိုင်လိမ့်မည်ဟု တန်ခူးရိပ် ထင်ပါသည်။နောက်မှ ဖြေးဖြေးချင်းသွန်သင်ပေးသွားရ
မည်ဟုလည်းစိတ်ထဲတေးထားလိုက်သည်။

"ဟုတ်ပြီဟုတ်ပြီ ကူကူးအဝတ်လဲပြီးရင်လာမယ်နော်"

ထိုအခါမွ အိပ်ယာပေါ်ကလူကြီးလေးက စိတ်ပြန်ကြည်သွားသည့်ပုံ။
ဒါတောင် 'ညန်ညန်လုပ်' ဆိုသည့်အသံကကြားရသေးသည်။

"ကဲ လာပါပြီခင်ဗျာ"

ဒူးအတိဘောင်းဘီအဝါကို ရှပ်အပွအဖြူဖြင့်ပြောင်းလဲဝတ်ဆင်လိုက်ပြီး အိပ်ယာပေါ်တက်လိုက်ကာ ထင်ထင်လေးကို ဖက်ထားလျက် ပါးစပ်ထဲရှိသမျှပုံပြင်တို့အား လှည့်ပတ်ပြောရသည်။ကြက်ကလေးသားအမိပုံပြင်ကို သုံးခေါက်လောက်ဂျာအေးသူ့အမေရိုက်လိုက်တော့ လက်မောင်းကြားထဲမှ ထင်ထင်လေးဟာ အိပ်ပျော်သွားတော့သည်။

တကယ်တော့ ထင်ထင်လေးမှာနေ့ခင်းနေ့လည် ်ကလေးသဘာဝအိပ်ချင်တာကို ချော့သိပ်ခံချင်၍ သူ့အားပုံပြင်ပြောပြခိုင်းခြင်း ဖြစ်ကြောင်းတန်ခူးရိပ်သိလိုက်ရသည်။သူ၏တူလေးမှာ မိခင်မေတ္တာတော်တော်ငတ်ခဲ့ပုံရသည်။ဒီလိုကျပြန်တော့လည်း ဦးလင်းထင်ကျော်ဇောကို ယူခဲ့တာမမွားဟု တန်ခူးရိပ်တွေးမိပြန်သည်။