I married my sister's husband{Completed}

Part-41(Uni and Zawgyi)

Scroll down for Zawgyi❤

(Gender reveal partyဆိုတာသိကြတဲ့လူတွေရှိမှာဖြစ်သလို မသိသေးတဲ့လူတွေအတွက်ထပ်ပြောပြပေးလိုက်ပါတယ်။Gender revealပါတီက မွေးမလာသေးတဲ့ကလေးဘာလေး ဖြစ်မလဲဆိုတာ အဲ့ဒီ့ပွဲမှာသိရတာပါ။ဆရာဝန်ကultrasoundရိုက်ထားတဲ့အဖြေကို သက်ဆိုင်သူကလေးမိဘတွေကိုပေးမသိဘဲ သက်ဆိုင်သူတွေရဲ့အသိဒါမှမဟုတ် မိသားစုဝင်တစ်ယောက်ယောက်ကိုအသိပေးလိုက်ပြီး အဲ့ဒီ့တစ်ယောက်ကပွဲစီစဉ်ရပါတယ်။အဲ့ဒီ့ပွဲမှာမှ ဘောလုံးဖောက်ပြီးဘောလုံးထဲကအရောင်ထွက်တာတို့၊မီးပန်းဖောက်တာတို့စတဲ့ အသိပေးတဲ့ပုံစံအမျိုးမျိုးနဲ့ကလေးမိဘတွေနဲ့ကျန်တဲ့လူတွေကိုပေးသိပါတယ်။ကလေးကယောက်ျားလေးဖြစ်မယ်ဆိုအပြာရောင်ဖြစ်ပြီး မိန်းကလေးဆိုပန်းရောင်သုံးပါတယ်။)

တန်ခူးရိပ်၏ဆေးရုံသွားရန် ပြင်ဆင်မှုမှာ ပထမဆုံးအနေနှင့် ရှုံ့ကြိုးပါသည့်ဘောင်းဘီဒဲ့အပွကို ဝတ်သည်။တန်ခူးရိပ်တွင် ထိုကဲ့သို့ဘောင်းဘီအပွများ ဆိုင်တစ်ဆိုင်စာလောက်ကိုရှိသည်။ထိုဘောင်းဘီတွေက သူ့ဗိုက်နှင့်အတော်လေးအဆင်ပြေ၊ချောင်လည်သည်ဆို၍ လင်းထင်ကျော်ဇောက အပုံလိုက်ဝယ်လာပေးခဲ့ခြင်းဖြစ်သည်။အင်္ကျီတွေကတော့ တန်ခူးရိပ်ကထွေထွေထူးထူးဝယ်မနေ။လင်းထင်ကျော်ဇော၏ ဗီဒိုကိုသာအပိုင်စီးပစ်လိုက်ပါ၏။

ဒုတိယအနေဖြင့် လင်းထင်ကျော်ဇော၏ တီရှပ်အပွအားအပေါ်မှ ဆွယ်တာခပ်ပါးပါးပွပွဖြင့်တွဲဝတ်လိုက်၏။ဗိုက်ကလည်း မသိသာတော့သလို တန်ခူးရိပ်သည်လည်း အဝတ်အစားအပွတွေကြား ချစ်စရာကောင်းလောက်အောင် နစ်မြုပ်နေတော့သည်။

"ဟီး ကန်တော့ကန်တော့"

"ရပါတယ်ခင်ဗျာ"

အဝတ်အစားလဲဖယ်ပြီးတော့ ဖိနပ်ဝတ်ရန်လင်းထင်ကျော်ဇောက တန်ခူးရိပ်ရှေ့တွင် ဆောင့်ကြောင့်ထိုင်၍ ဖိနပ်ကြိုးချည်ပေးသည်။အစပိုင်းကတော့ တန်ခူးရိပ်ငရဲကြီးမည်ဟုငြင်းသော်လည်း နောက်ပိုင်းပိုမိုပူလာသည့်ဗိုက်ကြောင့် သူတကယ်အောက်ငုံ့ရန်ခဲယဉ်းသွားသည်။ထို့ကြောင့် ဖိနပ်ဝတ်ခြင်း၊ချွတ်ခြင်းအပြင် ညတိုင်းရေနွေးဖြင့်ခြေထောက်ဆေးပေးခြင်းတို့်ကို လင်းထင်ကျော်ဇောကလုပ်ပေးပါသည်။