I married my sister's husband{Completed}

Part-14(Uni and Zawgyi)

Scroll down for Zawgyi❤

(Warningပေးပါတယ်ရှင်)

"ကိုယ်နဲ့ဒီညလိုက်ခဲ့မလား"

Aidenကဂုဏ်ရည်သွေး၏နားနားကပ်ကာ ခပ်ရှရှလေသံဖြင့်ပြောလိုက်သည်။ရန်လိုလှသည့် နှုတ်ခမ်းပါးလေးတွေက ဒီနေ့ညအတွက်ကိလေသာကင်းနေသည့် သူ၏အငယ်ကောင်လေးအား ထောင်မတ်စေရန် လုံလောက်သည်။ချိုအီနေသည့် စကားလုံးလှလှလေးတွေသုံးမည့် အဖော်ငယ်လေးတွေထက် ရိုင်းစိုင်းလှသောစကားများဖြင့် သူ့အောက်တွင်ပုန်ကန်နေမည့် ကောင်လေးကိုပိုမြင်ချင်လှသည်။

"ဘာ!"

အော်လိုက်သည့်အသံက မြေကမ္ဘာတုန်ဟီးသွားစေလောက်သည်။ထို့နောက် သူ့ဗိုက်ဆီရောက်လာသည့် ပင့်လက်သီးတစ်ချက်။Aidenရင်ဘတ်တစ်ခုလုံး အောင့်မျက်သွားကာ မျက်လုံးထဲ အရာအားလုံးဝေဝါးသွားရလောက်အောင် နာကျင်သွားရသည်။လူကောင်လေး သေးသလောက်အားသန်လှသည့် အရိုင်းအစိုင်းလေး။

"လွန်လွန်ကြူးကြူး စကားပြောပုံကိုက ကျုပ်ကိုဘာများမှတ်နေလဲ။ခင်ဗျားတွေ့ဖူးခဲ့တဲ့လူတိုင်းလို ထင်မနေနဲ့။"

ဂုဏ်ရည်သွေးထံတွင် homophobicမရှိ၍သာ တော်တော့သည်။မဟုတ်လျှင် Aiden ကိုဒီ့ထက်ပိုထိုးလောက်သည်။သို့သော် ခေတ်လူငယ်ပီပီဂုဏ်ရည်သွေးက လိင်တူသဘောကျခြင်းကို နားလည်သည့်အပြင် မရှုံ့လည်းမရှုံ့ချ။ထိုးလိုက်ရသည့်အကြောင်းအရင်းမှာ သူ့အား ပေါပေါပဲပဲ one night standလိုသဘောထားခြင်း ခံလိုက်ရ၍ဖြစ်သည်။

"ခဏ.."

အောင့်မျက်နေသည့် ရင်ဘတ်ကိုခပ်ကုန်းကုန်းဖြင့် ဖိထားလျက် ရှေ့မှထွက်သွားတော့မည့် ဂုဏ်ရည်သွေးအား Aidenလှမ်းခေါ်လိုက်သည်။ဒီကောင်လေးကို ဒီညရမှဖြစ်မည်။အတင်းအကြပ်ကြီးလည်း သေနတ်ထောက်ပြီး မခေါ်သွားချင်တဲ့အပြင် ထိုအရိုင်းအစိုင်းလေးမှာလည်း သေနတ်မကြောက်၊ဓားမကြောက်။

"ကျစ်!ဘာလဲ တစ်ချက်နဲ့မလုံလောက်လို့လား"

ဂုဏ်ရည်သွေးက သူ၏ခဲရောင်ဆံပင်တွေ ဝေ့ခါသွားတဲ့အထိဆတ်ခနဲ လှည့်လာကာ မျက်မှောင်ကြီးကြုတ်လျက် Aidenအား ထပ်အထိုးခံချင်တာလားဟုမေးလိုက်၏။