I married my sister's husband{Completed}

Part-30(Uni and Zawgyi)

Scroll down for Zawgyi ❤

နေရာကား ရှမ်းပြည်မြောက်ပိုင်းတစ်နေရာ၏ ဘိန်းခန်းဟုခေါ်သည့်နေရာ။ထိုနေရာတွင် အများဆုံးမှာဘိန်းစွဲနေသည့်လူများနှင့်ရန်ကုန်ဘက် ဂိုဏ်းများမှဆေးအပေးအယူလာလုပ်သည့် လူများရှိတတ်၏။

ဘိန်းခန်းဟုဆိုသည့်အတိုင်း အခန်းဟာ အလင်းရောင်မှိန်ပျပျနှင့်အခိုးအငွေ့တို့ပျံ့လွင့်မွှန်ထူနေပြီး မိန်းမောလျက် ဘိန်းအရသာအားတငွေ့ငွေ့ခံစားနေကြသည့်လူများလည်း အပြည့်။လက်ျာလဝန်းသည်လည်း ထိုဘိန်းခန်းထဲသို့ တဖြေးဖြေးဝင်ရောက်လာခဲ့ကာ တစ်စုံတစ်ယောက်ကိုရှာနေခဲ့သည်။

"စိုင်းမွန်ဆိုတာရှိလား"

မျက်လုံးမှေးမှေး တရုတ်လူဝကြီးတစ်ယောက်အား သူမေးလိုက်သည်။ထိုလူကြီးသည် သူ့အားခြေဆုံးခေါင်းဆုံး ကြည့်လျက်ပါးစပ်ထဲမှသွားကြားထိုးတံအား အနည်းငယ်လှုပ်ရှားလျက် ပြီတီတီကြည့်လာ၏။ထိုလူကြီး၏မျက်လုံးများမှာ လက်ျာလဝန်း၏ခြေတံရှည်ကြီးများအပေါ်တွင် တမက်တမောစုန်ချီဆန်ချီရွေ့လျားနေသလို ရင်ဘတ်အနည်းငယ်ဟသည့် V ပုံသဏ္႑ာန်ရှပ်အကျၤီအမဲအောက်မှ လည်တိုင်ဖွေးဖွေးဆီလည်း တစ်ခေါက်တစ်ခေါက်ရောက်လာပြန်သေးသည်။

"ဝေ့ ကောင်လေး ပစ္စည်းလိုချင်ရင်တော့ စိုင်းမွန်ဆီသွားမနေနဲ့တော့။ကျုပ်ဆီမှာရှိတယ် ပြီးတော့ ကျုပ်ပစ္စည်းတွေကငွေမပေးရပါဘူး အဲ့ဒီ့အစား...."

ထိုလူဝကြီးက သူ့ပါးစပ်ထဲမှရွှေသွားကြီးပေါ်သည်အထိ မသတီစရာပြုံးလိုက်ပြီး လက်ျာလဝန်းတစ်ကိုယ်လုံးကို သိမ်းကြုံးကြည့်ပစ်လိုက်၏။သို့သော် ထိုအကြည့်များသည် သုံးစက္ကန့်ပင်မကြာလိုက်ပါ။ထိကပါးရိကပါး မျက်လုံးကြီးများသည် နားထင်တွင်လာထောက်လေသော သေနတ်ထံကြောက်လန့်တကြီး ဘေးကိုကပ်ကာ ကြည့်ဖြစ်သွား၏။

"စိုင်းမွန် ဘယ်မှာရှိလဲ"

မောင်းတင်ပြီးသား သေနတ်အား ထိုလူဝကြီးနားထင်တွင် ပို၍ဖိကပ်လျက် သူထပ်မေးလိုက်သည်။ထိုလူကြီး၏စကားအသွားအလာအရဆိုလျှင် စိုင်းမွန်ဒီမှာရှိမှန်း သေချာသလောက်ပင်။လက်ျာလဝန်းကသိပ်သည်းခံတတ်သည့် လူစားမျိုးမဟုတ်။ထိုရမ္မက်ကြီးသည့် လူကြီး၏ဦးနှောက်တွေအား ပြန့်ကျဲသွားအောင် လုပ်ပစ်လိုက်ချင်သော်ငြား စိုင်းမွန်ကိစ္စအရင်သိရဖို့က အရေးကြီးနေသည်။