I married my sister's husband{Completed}

Part-21(Uni and Zawgyi)

Scroll down for Zawgyi❤

ကောင်းကင်တွင် ပုစွန်ဆီရောင်အလင်းတန်းများယှက်ဖြာကာ နေဝန်းနီနီသည်အနောက်ဘက်သို့ဖြည်းဖြည်းချင်းဆုတ်ခွာလျက်ရှိသည်။ကတ္တရာလမ်းမပေါ်တွင် ပြိုင်ကားအဝါရောင်လေးသည် မမြန်လွန်း၊မနှေးလွန်းသည့်အရှိန်ဖြင့် ပြေးနေပြီး ကားမောင်းသူသည် ဂုဏ်ရည်သွေးဖြစ်၏။ဘေးတွင်တော့ Aidenသည် ဂုဏ်ရည်သွေး၏ ပေါင်တံရှည်တွေအပေါ် သူ့လက်ဖြင့်ပွတ်သပ်နေခဲ့၏။

"ခင်ဗျားမယွနဲ့နော် တိုက်ရင်အကုန်သေကုန်မှာ"

ဂုဏ်ရည်သွေးသည် ရှေ့သို့အာရုံစိုက်ထားသော်လည်း မရိုးမသားအထိအတွေ့တွေကြောင့် ကောင်းကောင်းမွန်မွန် ကားမောင်း၍မရ၍ Aidenလက်အား ပုတ်ချကာ ပြောလိုက်သည်။

"ဘာလို့ ဖုန်းတွေမကိုင်တာလဲ ကိုယ်တောက်လျှောက်ခေါ်နေခဲ့တာ"

"ဘာတွေပြောနေတာလဲ ဘယ်ဖုန်းကိုခေါ်လို့ ကျုပ်ကဘာကိုကိုင်ရမှာလဲ"

"အဆိုးလေး ကိုယ့်ကိုblockထားပြန်တာလား"

ထိုအခါမှ ဂုဏ်ရည်သွေးသည် သတိရသွားဟန်ဖြင့် မျက်ခုံးနှစ်ဖက်အား ဟန်ပါပါပင့်တင်လိုက်၏။Aidenက အချိန်အနည်းငယ်အတွင်းမှာပဲ ဂုဏ်ရည်သွေးအကြောင်းနောကြေနေခဲ့လေပြီ။တော်တော်လေးဆိုးသည့် သူ့အရိုင်းအစိုင်းလေးက တစ်ခါတစ်ခါဆို ဘာကိုစိတ်ခုပါတယ်လို့လည်းမပြောဘဲ တန်း၍blockပစ်သည်။မေးလျှင်လည်း ဘူးခါငြင်းတတ်ပြန်သေးသည်။သူတို့အခြေအနေက sex partnerထက်ပိုနေပြီမှန်း Aidenလည်းသိပါသည်။

"blockရအောင် ကျုပ်ကမိန်းကလေးမလို့အားအားယားယား ထိုင်blockနေရမှာလား။အရေးမပါတာ"

တကယ်တော့ သူblockထားပြီးသူမေ့နေခဲ့ခြင်းဖြစ်သည်။သို့သော်လည်း သူ့ထုံးစံအတိုင်းပိတ်ငြင်းလိုက်ရမှ အဆင်ပြေသည်။စိတ်ထဲလည်း အနည်းငယ်တော့ ဘဝင်ကျသွားရသည်။အနည်းဆုံးတော့ လူအိုကြီးက သူ့အားဖုန်းအဆက်အသွယ်လုပ်နေခဲ့သေးသည်လေ။

"ခင်ဗျားကဘာကိစ္စ ပါပါးနဲ့သိနေရတာလဲ"

"ကိုယ်တို့က Golfရိုက်ဖော်တွေလေ"

ဂုဏ်ရည်သွေးနှာခေါင်းတစ်ချက်ရှုံ့လိုက်သည်။မြေခွေးအိုကြီးက လူကြီးလူကောင်းယောင်ဆောင်ပြန်ပြီ။