I married my sister's husband{Completed}

Part-5(Uni and Zawgyi)

Scroll down for Zawgyi❤

လင်းထင်ကျော်ဇော၏အခန်းထဲရှိ ကျွန်းကုတင်ကြီးပေါ်တွင် လင်းထင်ကျော်ဇော၊တန်ခူးရိပ်နှင့် ထင်ထင်တို့်မှာ စက်ဝိုင်းသဏ္ဍာန်ထိုင်နေကြသည်။သားအဖနှစ်ယောက်၏ စကားရည်လုခန်းတွင် တန်ခူးရိပ်မှာ တိတ်တဆိတ်သာဘေးတွင်ထိုင်လျက် ဟိုဘက်ကြည့်လိုက် ဒီဘက်ကြည့်လိုက်ဖြင့်အလုပ်များနေခဲ့သည်။

"လင်းမြတ်ထင် ဒယ်ဒီ့ကိုမဆိုးနဲ့ ဘယ်လိုလုပ်ဒယ်ဒီက ဒရင်းဘတ်ပေါ်အိပ်လို့ရမှာလဲကွ"

လင်းထင်ကျော်ဇော လေသံပင်နည်းနည်းမာသွားသည်။အကြောင်းမှာ ချစ်လှစွာသောသားလိမ္မာလေးက ကုတင်ပေါ်တွင် သူနှင့်ကူကူးနှစ်ယောက်ပဲအိပ်မည်။ဒယ်ဒီပါလျှင်ကျပ်တယ် ဟူ၍ဂျစ်တိုက်လာသောကြောင့်ပင်။ပြောရလျှင် ဒီညသည်လင်းထင်ကျော်ဇောအတွက် မင်္ဂလာဦးညပင်ဖြစ်နေသေးသည်။

ဒါတောင် ကုတင်ပေါ်တက်မအိပ်ရဘဲ ဘေးရှိဒရင်းဘတ်ပေါ်တက်အိပ်ရလျှင်တော့ လင်းထင်ကျော်ဇော သမိုင်းရိုင်းသွားမည်ပေါ့။

"No ဒယ်ဒီ ဟိုမာအိပ်"

ထင်ထင်လေးကလည်း ခေါင်းတွင်တွင်ခါလျက် ဒရင်းဘတ်ကိုသာလက်ညှိုးထိုးပြသည်။

"ချာတိတ် မင်းလည်းပြောဦးလေ"

လင်းထင်ကျော်ဇော ပြောလိုက်တော့ တန်ခူးရိပ်ကို အူကြောင်ကြောင်မျက်နှာပေးလေးဖြင့် ပြန်ကြည့်လာကာ...

"ဘာပြောရမှာလဲဟင်"

လင်းထင်ကျော်ဇော သေဟဲ့နန္ဒိယ ဟူ၍ကိုယ့်နဖူးသာကိုယ်ပြန်ရိုက်ပစ်လိုက်ချင်သည်။ဒါကြောင့် ရှေ့နေကြီး၏ ကလေးနှစ်ယောက်ထိန်းရတော့မည်ဟူသည့်စကားမှာ ရာနှုန်းပြည့်ကိုမှန်နေတော့သည်၊

"ကိုယ်ဘယ်လိုလုပ် ဒရင်းဘတ်ပေါ်မှာအိပ်လို့ရမှာလဲ ကိုယ့်အရပ်နဲ့ဖြစ်နိုင်လို့လား"

တန်ခူးရိပ် သူ၏မျက်တောင်ရှည်ကြီးများကို ပုတ်ခတ်ပုတ်ခတ်ဖြင့် စဉ်းစားလိုက်သည်။သူဝင်မပြောသည်မှာ ထင်ထင့်ကိုဆန့်ကျင်၍ ဦးလင်းထင်ကျော်ဇောအားကူပြောပေးမည်ဆိုလျှင် ထိုလူကြီးအား သူကုတင်ပေါ်တအားတက်စေချင်သည့်သဘောသက်ရောက်မည်။
မပြောဘဲ ထင်ထင့်ဘက်လိုက်လျှင်လည်း စိတ်ခုသွားမည့်ဦးလင်းထင်ကျော်ဇောကိုလည်း ကြောက်ရပါသေးသည်။