ᴍʏ ᴏᴍᴇɢᴀ ɪs ᴍʏ ᴡɪғᴇ [Completed ]

Part-36 (Uni/ Zawgyi)

ရှောင်းကျန့်ရိပေါ်ကိုစောင့်ရင်း စာကြည့်နှင့်နေလိုက်သည်။ မကြာခင်ဖြေတော့မယ့်စာမေးပွဲအတွက် ရှောင်းကျန့်မှာ လိုအပ်တဲ့ ဘာသာရပ်တွေအပေါ်အချိန်အနည်းငယ်ပေးဖြစ်နေသည်။ရှောင်းကျန့်အချိန်ကိုလှမ်းကြည့်တော့ ရှစ်ခွဲနေပြီဖြစ်သည်။ ဒီအချိန်ဆို ဝန်ထမ်းတွေအကုန် အနားယူကုန်ပြီမို့ တစ်အိမ်လုံးမှာ သူတစ်ယောက်တည်းသာ ကျန်ရစ်နေခဲ့သည်။

အခန်းထဲစာကြည့်နေပေမယ့် တစ်ဖက်မှာလည်း ရိပေါ်ကိုမျှော်နေမိသည်။ ရုတ်တရက်အထဲကနေ တွန်းပြီးရုန်းလာတဲ့ စော်အောလေးကြောင့် ဆုံလည်ထိုင်ခုံရဲ့နောက်ကို မှီချလိုက်ရင်း လက်တစ်ဖက်ကလည်း ဗိုက်ပေါ်ဖိကိုင်လိုက်သည်။ညတိုင်းလှုပ်နေကြဆိုပေမယ့် အခုနောက်ပိုင်းစော်အောလေးက ဗိုက်ကိုအပေါ်အောက်ရွေ့သည်အထိကို ပြင်းပြင်းထန်ထန်လှုပ်ရှားသည်။ အရမ်းမနာပေမယ့်တော့ နေရတာသက်သောင့်သက်သာတော့မဖြစ်။ရှောင်းကျန့်သူ့ဗိုက်ဖောင်းသွားတဲ့နေရာကိုလက်နဲ့အပေါ်ကနေလိုက်တို့ထိရင်း

" အရမ်းညောင်းနေပြီလား ။ ပါပါးလည်း စော်အောလေးကိုတွေ့ချင်နေပြီ။ "

ရှောင်းကျန့်လက်လှုပ်ရာကိုသိသိသာသာတွန်းကန်လာတာကြောင့် ရှောင်းကျန့်ပြုံးလိုက်ပြီး အင်္ကျီကိုလှန်တင်ကာ ရွေ့လျားနေမှုကို ကြည့်နေလိုက်သည်။

" ဒီနေ့မင်း ဒယ်ဒယ်ကနောက်ကျနေတယ်။ ပါပါးသားလေးက ပါပါးကိုအဖော်ပြုပေး "

ရှောင်းကျန့်စော်အောလေးနဲ့စကားပြောရင်း ရိပေါ်ကိုထိုင်စောင့်နေမိသည်။ စော်အောလေးကလည်း ဒီနေ့မှ ဗိုက်ထဲမှာအချိန်တော်တော်ကြာလှုပ်ရှားကာ အဖော်ပြုပေးသည်။

ရိပေါ် ဆေးရုံကအပြန် ပါပါးလှမ်းခေါ်လို့ အိမ်ဝင်နေတာမို့ အိမ်ပြန်ချိန်နောက်ကျသွားသည်။ ရိပေါ်ဒီပတ်အတွင်းမှာပဲ ရာထူးတိုးတာမို့လို့ ပါပါးကလှမ်းခေါ်ခြင်းဖြစ်သည်။ ကုမ္မဏီမှာ ပါပါးနဲ့သိပ်မတွေ့ဖြစ်တာမို့ အိမ်ကိုခေါ်ပြီးတွေ့ယူရတဲ့အထိ။ရိပေါ်အခုချိန်မှာ အာရုံကအဘက်ဘက်မှာဖြန့်ကျက်ထားရသည်။ အလုပ်ကိုလည်းအာရုံစိုက်ရသလို ရှောင်းကျန့်ကိုလည်း တစ်ယောက်တည်းစိတ်မချလို့ ဂရုစိုက်ရသေးသည်။ ဒါ့အပြင် ကျောင်းကိစ္စနဲ့ ယခုအခါထပ်ပြီး rut ကိစ္စပါထပ်ထိုးလာတော့ သူ့မှာအားလပ်တယ်လို့ကိုမရှိဦးနှောက်ရော လူရော အလုပ်ဆက်တိုက်ပေးနေရသည်။