ᴍʏ ᴏᴍᴇɢᴀ ɪs ᴍʏ ᴡɪғᴇ [Completed ]

Part-46 ( Uni / Zawgyi)

ဝမ်စော်အော အသက်သုံးနှစ်။ ရှောင်းကျန့်ဒုတိယကိုယ်ဝန် ငါးလမြောက်။ ဝမ်ရိပေါ်ဘွဲ့တစ်ခုရပြီးလို့ အလုပ်မှာလည်း CEO နေရာအထိ ရာထူးတက်သွားပြီဖြစ်သည်။ ရှောင်းကျန့်တော့ စော်အောတစ်နှစ်ပြည့်မှာကျောင်းတက်ရင်း တတိယနှစ်ရောက်အပြီး စတုတ္ထနှစ်တက်မဲ့နှစ်မှာ ဒုတိယကိုယ်ဝန်ရခဲ့လို့ ကျောင်းကိုတန်းလန်းနဲ့နားလိုက်ရပြန်သည်။

ဘာဘဲဖြစ်ဖြစ် ကြိုးစားပန်းစားတတ်လာတာ တတိယနှစ်အထိတော့ရောက်လာခဲ့သေးသည်။ဒီနှစ်တွေအကြာမှာ သူတို့အများကြီးတိုးတက်ပြောင်းလဲလာခဲ့သည်။ ရှောင်းကျန့်ရဲ့ဒုတိယမြောက်ကိုယ်ဝန်က အမွှာမို့လို့ ပိုပြီးဂရုစိုက်ရသည်။ ပြီးတော့ထပ်ပြီး ယောက်ကျားလေးနှစ်ယောက်။ ရိပေါ်ရဲ့အလှော်ကောင်းမှုကြောင့် အမွှာရခဲ့ခြင်းဖြစ်သည်။

ဆရာဝန်နဲ့တိုင်ပင်ပြီး နေထိုင်စားသောက်မှုပုံစံပြောင်းကာ ရိပေါ်အလိုကျသူနေပေးခဲ့သည်။သူကအရပ်လည်းရှည်တော့ အမွှာရဖို့ပိုပြီးသေချာခဲ့တာလည်းပါ၏။အခုတော့ရှောင်းကျန့်က အိမ်မှာစားလိုက်သောက်လိုက် စော်အောထိန်းလိုက်နဲ့ အချိန်တွေထပ်ဖြန်းနေလိုက်သည်။

စော်အောက ကြီးလာလေ ရိပေါ်နဲ့ပိုပြီး တူလာလေဖြစ်သည်။ မျက်နှာ၊အကျင့်စရိုက် အကုန်ဆိုအကုန်ချွတ်စွပ်။ဝမ်ရိပေါ်သားလို့မပြောရဘူး။ ရိပေါ်ကသူ့သားကိုချစ်မှချစ်။သက်ဦးလည်းဖြစ်တော့အဖိုးအဖွားတွေအကုန်လုံးရဲ့အချစ်တော်လေးဖြစ်နေပြန်သည်။အားလပ်ရက်တွေပိတ်ရက်တွေ ခြံထဲမှာ skate စီး cycle စီးအကုန်လုပ်သည်။ နုနုယွယွ ဘာဆိုဘာမှမလုပ်။ကြားရက်တွေကိုတော့ရိပေါ်က စော်အော်ကိုမူကြိုပို့ထားလိုက်သည်။ ဒါမှလည်းသူထိန်းရသက်သာသွားတာဖြစ်၏။

ရှောင်းကျန့်တစ်ခါတစ်လေစဥ်းစားမိသည်။ သူမွေးထားတာ လူရောဟုတ်ရဲ့လားလို့။ အရမ်းဆော့ အရမ်းကြမ်းတမ်းလွန်းလို့ မျောက်နဲ့လောက်စပ်ပြီးမွေးထားတာလားလို့ ကိုယ့်ကိုကိုယ်မေးခွန်းပြန်ထုတ်ယူရတဲ့အထိ။ အခုကိုယ်က ကိုယ်ဝန်တစ်ဖက်နဲ့မို့ စော်အောနောက် အရင်လိုလိုက်မထိန်းနိုင်။ ဒါကြောင့် ရိပေါ်ကစော်အောကို မူကြိုပို့လိုက်ခြင်းဖြစ်၏။