မင်းလည်းငါ့ကိုကြိုက်နေတယ်ဆို《ဘာသာပြန်》

PART 8✨🟫

အဆုံးတွင်တော့ ဝမ်ကျဲ​သည် ဝေ့မင် ကိုကတိပေးလိုက်ပါသည်။

ဒါက တုယွီရှုရဲ့ ပထမဆုံး လက်တွေ့ရှိုးဖြစ်ပြီး အရမ်းတင်းကျပ်တဲ့အတွက် အဖွဲ့ဝင်အချင်းချင်း ရင်းနှီးမှုရှိဖို့ လိုအပ်ပါတယ်။ လက်​တွေ့ကို ကောင်းမွန်စွာလက်ခံနိုင်စေရန်အတွက် အဖွဲ့ဝင်များအချင်းချင်း အပြန်အလှန်ပူးပေါင်းဆောင်ရွက်မှုသည် မငြင်းခုံသင့်ပေ။

'အလျားနှင့် အနံမဟာမိတ်'အဖွဲ့ထဲတွင် တုယွီရှု၏ ကျိန်ဆိုထားသော ရန်သူ ယဲ့ကျင်းအန်း လည်း ရှိသည်။

နေ့ခင်းဘက်တွင် ယဲ့ကျင်းအန်း နှင့် တုယွီရှု ၏ ရိုက်ချက်များသည် ချောမွေ့စွာ တိုးတက်နေသည်။ တုယွီရှု၏​ရိုက်ချက်များ အားလုံးပြီးသောအခါတွင် ခန့်မှန်းထားသည်ထက် တစ်နာရီခန့်စော​နေပြီး 4:48 သာရှိသေးသည်။

တုယွီရှု သည် အနားယူရန် သူမ၏ သီးသန့်နား​နေ​ခန်းသို့ ပြန်သွားခဲ့သည်။ ယဲ့ကျင်းအန်း ၏ အကြည့်သည် ရိုက်ကွင်းတစ်ဝိုက်ရှိ နေရာကို လှည့်ပတ်ကြည့်ရာ ထိုလူမရှိ​တော့သည်ကို တွေ့လိုက်ရသောအခါတွင် သူ့မျက်ခုံးများ ပင့်တက်သွားသည်။ အသံနိမ့်နိမ့်သည် သက်တမ်းတစ်ရာရှိ စပျစ်ရည်ကဲ့သို့ မူးယစ်စေသည် "..... အဲ့တော့?"

".......ငါနင့်ကိုကြိုက်တယ်။" စကားသံသည် ခံစားချက်များဖြင့် တုန်လှုပ်​နေသည်။ နူးညံ့သိမ်မွေ့သော ပန်းဆိုင်ပိုင်ရှင်၏ မျက်လုံးများသည် ဗလာကျင်းကာ မှုန်မှိုင်းနေရှာသည်။

"ကဒ်--!" ဒါရိုက်တာကျန်း က ကျယ်လောင်စွာအော်ကာ "ကျန်းရီ၊ မင်းက မျက်မမြင်တစ်ယောက်! မျက်မမြင်မိန်းမ! သူ့ကိုအရူးအမူးချစ်လို့ တစ်ယောက်ယောက်ကို သတ်တဲ့ မျက်မမြင်အမျိုးသမီး။ လှည့်စားတတ်တဲ့ မျက်မမြင်အမျိုးသမီးဇာတ်ရုပ်ကို ဘယ်လိုသရုပ်​ဆောင်ရမလဲဆိုတာ သိရဲ့လား။"

ကျန်းရီက ဆောလျင်စွာ တောင်းပန်သော်လည်း ဒါရိုက်တာကျန်းက သူ့လက်ကို ဝှေ့ယမ်းပြီး ငါးမိနစ်ကြာမှ ပြန်လာရန် ပြောလိုက်သည်။ ကျန်းရီ ၏လက်ထောက်က တောင်းပန်ရန် အလျင်အမြန် ဦးညွှတ်လိုက်သည်။ ကျန်းရီ ဝမ်းနည်းစွာ သက်ပြင်းချလိုက်သည်။