"မကြောက်နဲ့၊ ငါ့ကို ဒီတစ်ကြိမ်ပဲယုံကြည့်နော်"
ယဲ့ကျင်းအန်း၏ အသံသည် ပျော့ပျောင်းပြီး ဆွဲဆောင်မှုရှိနေသောကြောင့် တုယွီရှု မတ်တပ်ထရပ်လိုက်သည်။
သို့သော် သူမ မတ်တပ်ထရပ်လိုက်သည်နှင့် တုယွီရှုသည် မျက်လုံးမှိတ်လိုက်သည်။
ချားရဟတ်သည် တဖြည်းဖြည်း မြင့်တက်လာပြီး ပူနွေးသော နေရောင်ခြည်သည် လူနှစ်ယောက်၏ ခန္ဓာကိုယ်ကို ကျရောက်လာသည်။ ယဲ့ကျင်းအန်းသည် သူတို့ကြားတွင် လုံခြုံသောအကွာအဝေးကိုထားကာ မျက်လုံးများကို တင်းတင်းမှိတ်ထားသည့် တုယွီရှုကို ဂရုတစိုက် ဆုပ်ကိုင်ပေးထားသည်။ သူက အရှုံးမပေးဘဲ နွေးထွေးပြီး ကြင်နာသော အသံနဲ့ ထပ်ခါတလဲလဲ "ဘာမှမကြောက်နဲ့၊ ငါမင်းရဲ့ဘေးမှာ ရှိနေတယ်၊ ငါ့ကိုယုံကြည့်"
"မျက်လုံးဖွင့်ပြီး ကောင်းကင်ပြာကြီးကို ကြည့်လိုက်၊ မင်းနဲ့ အရမ်းနီးနေတယ်၊ အရမ်းနွေးထွေးပြီး တောက်ပနေတယ်" ဟု ယဲ့ကျင်းအန်းက ညင်သာစွာ တိုက်တွန်းခဲ့သည်၊ "ဒဏ္ဍာရီထဲမှာ နေနဲ့ နီးနေရင် ကိုယ်တမ်းတတဲ့အရာတွေကိုမြင်ရတယ်တဲ့"
"မျက်လုံးဖွင့်ပြီး အတူတူကြည့်ကြမယ်လေ"
တုယွီရှူ၏ ခန္ဓာကိုယ်သည် မလိုလားစွာ တုန်လာပြီး သူမ၏ မျက်လုံးများတွင် မှတ်ဥာဏ်တစ်ခု ပေါ်လာသည်။ အဖြူရောင်ဝတ်စုံဝတ်ထားသောကောင်မလေးတစ်ယောက်က ဝမ်းပန်းတနည်းငိုယိုကာ သူမကိုခေါ်မသွားရန်တောင်းဆိုနေသည်။ သူမနောက် ငိုနေတဲ့ကောင်လေးပြေးလာတာကိုမြင်နေရပြီး နောက်တော့ထိုကောင်လေးသည် လဲကျသွားသည်။ သူမမြင်နေရသည်များမှာ နီရဲတောက်ပသောသွေးများသာ...
"ငါ မင်းနဲ့ အတူရှိနေတယ် ယွီရှု"
"ငါမင်းဘေးမှာရှိနေတယ်၊ ငါ့ကို ဒီတစ်ခေါက်လောက်တော့ ယုံပေးပါလား"
"ယွီရှု၊ ငါ့ကိုယုံပေးနော် ကောင်းပြီလား?"
ယွီရှု....
တုယွီရှု ရုတ်တရက် မျက်လုံးဖွင့်လိုက်ပြီး "ကောင်းပြီလေ" ဟု ညင်သာစွာပြောသည်။
YOU ARE READING
မင်းလည်းငါ့ကိုကြိုက်နေတယ်ဆို《ဘာသာပြန်》
RomanceTitle - I Heart you like me too {聽說你也喜歡我} Total - 56 Episode + 6 Side storie Author - 夢千航 NOT MY WORK JUST TRANSLATION CREDIT TO ORIGINAL AUTHOR AND ENGLISH TRANSLATOR.
