မင်းလည်းငါ့ကိုကြိုက်နေတယ်ဆို《ဘာသာပြန်》

PART 42✨🟫

နတ်ဘုရားမတစ်ယောက်ဖြစ်သော တုယွီရှုသည် သရဲတစ္ဆေကိုကြောက်ခြင်းက အကျိုးကျေးဇူးရမည်ဟု မထင်ခဲ့ပါ။ ဒါပေမဲ့ ဒီနေ့မှာတော့ ဒီအချက်သည် အရေးကြီးဆုံး အားသာချက်ဖြစ်သည်ဟု သူမ ခံစားခဲ့ရသည်။

ရဲတိုက်ကို စူးစမ်းကြည့်ရင်း လက်ချင်းတွဲကာ လမ်းလျှောက်​နေကြတယ်။ သူမတို့ မနိုင်ခဲ့ပေမယ့် ဒီလိုလက်တွဲထားရုံနဲ့ ပျော်နေကြပါသည်။

ဒီနေ့ဟာ အံ့သြစရာကောင်းတဲ့နေ့တစ်နေ့လို့ တုယွီရှုသည် ခံစားလိုက်ရတယ်။

ဒါပေမဲ့ ညစာစားပွဲတွင်တော့ ဒီခံစားချက်ဟာ ပျောက်ကွယ်သွားခဲ့ရသည်။

တုယွီရှုနှင့် ယဲ့ကျင်းအန်း အဘယ်ကြောင့် မတည့်ခဲ့ရသည်ကို နှစ်ယောက်လုံး မမှတ်မိ​တော့ပါဘူး။ ရန်ဖြစ်ခဲ့ဖူးသော အကြိမ်အရေအတွက်က အရမ်းများပေမယ့် ဒီနေ့လောက်တော့ မပြင်းထန်ဖူးပါဘူး။

သူမသည် ဟိုတယ်ဧည့်ခန်းရှိ ဆိုဖာပေါ်တွင် ပျင်းရိငြီးငွေ့စွာ ထိုင်နေရင်း လူများ​ဖြတ်သွားသည်ကိုလိုက်​ကြည့်​နေခဲ့သည်။ သူမသည် ဘောင်းဘီပုံစံများကို ကြည့်ရင်း မေးစေ့ကို ပွတ်သပ်နေသည်။

"တုယွီရှု?"

တုယွီရှုမော့ကြည့်လိုက်တော့ suitဝတ်ထားတဲ့ အမျိုးသားတစ်ယောက်သည် အံ့သြနေသောမျက်နှာဖြင့် သူမဆီ လမ်းလျှောက်လာတာကို တွေ့လိုက်ရသည်၊ "တကယ်တုယွီရှုလား"
--------

ညကိုးနာရီ၊ ဟိုတယ်တွင်။

ဒီ​နေ့အတွက်ရိုက်ကူးရေးပြီးသွားတာကြောင့် ဟိုတယ်ကို အကုန်ပြန်လာ​ကြတယ်။ တ​ခြားscheduleများရှိသေးတာကြောင့် ဧည့်သည်နှစ်ဦးက ထွက်ခွာသွားခဲ့ပြီး မနက်ဖြန်အတွက် သရုပ်ဆောင် ခြောက်ဦးသာ ကျန်ရှိတော့ပါသည်။

ညစာစားပွဲကျင်းပရန် လူအများအပြားက ပြောခဲ့ကြတာကြောင့် အဆုံးတွင် သူတို့သည် ဝမ်ရှောင်ချန်၏အခန်းတွင် စုကာ ညစာစားရန်​ပြင်ဆင်ပေးဖို့ ဝန်ထမ်းများကို ခေါ်လိုက်သည်။

အပိုင်းနှစ်ပိုင်းကို အတူတူရိုက်ကူးခဲ့ပြီးတဲ့အခါမှာတော့ အဖွဲ့ဝင်ခြောက်ဦးသည် ရင်းနှီးလာခဲ့ကြသည်။ ဝမ်ရှောင်ချန်နှင့်  မန်ယွမ်ရူတို့၏ တက်ကြွသောကိုယ်ရည်ကိုယ်​သွေးနှင့်အတူ ယန်ယုပေါ်နှင့် ထုန်ဟွာနျန်တို့သည်လည်း လွတ်လွတ်လပ်လပ် ကစား​နေကြပြီး ဝိုင်သောက်နေကြသည်။ တုယွီရှုသည် limitကို ကောင်းစွာမထိန်းနိုင်သောကြောင့် သောက်ဖို့ငြင်းပယ်ရန် အကြောင်းပြချက်ရှာခဲ့ရသည်။ မန်ယွမ်ရူသည် သူမအား စကားအနည်းငယ်ဖြင့် စ​နောက်ခဲ့သော်လည်း ဘာမှထပ်မပြောကြပေ။ တုယွီရှုသည် ပွဲအပြီးထိမသောက်ခဲ့တာကြောင့် အခန်းထဲမှ ချောချောမွေ့မွေ့ လစ်ထွက်လာနိုင်ခဲ့သည်။