မင်းလည်းငါ့ကိုကြိုက်နေတယ်ဆို《ဘာသာပြန်》

PART 28✨🟫

တုယွီရှုသည် ဒါရိုက်တာသတ်မှတ်ထားသော စုဝေးရာနေရာကို ရောက်သောအခါ နေ့လည်ပင် ဖြစ်နေပြီဖြစ်သည်။နေမင်းကြီးသည် ကမ္ဘာမြေကြီး အပေါ် မညှာမတာ အပူရှိန်ပြင်းလျက်ရှိသည်။ လမ်းတစ်လျှောက်လုံး ဘယ်သူမှ မမြင်ရသကဲ့သို တုယွီရှုလည်း ကားပေါ်ကမဆင်းချင်ပေ။

တံခါးကို အနည်းငယ်ဖွင့်လိုက်သောအခါ ပူပြင်းသော နွေရာသီလေသည် ကား၏အေးစက်သော လေနှင့် ဆန့်ကျင်ဘက် အနေအထားပင် ဖြစ်နေသည်။ သူမကားပေါ်မှ ဆင်းရန် ဆန္ဒမရှိပေ။ ဝမ်ကျဲက သူမကို တိတ်တဆိတ် စိုက်ကြည့်နေတယ်။ တုယွီရှုသည် သူမ၏နှာခေါင်းကို ထိလိုက်ပြီး တံခါးကိုဖွင့်ကာ ထွက်ရန် သတ္တိမွေးလိုက်သည်။

"အရမ်းပူတာပဲ" တုယွီရှု ကားထဲမှ ဆင်းလာသောအခါတွင် မငြီးတွားဘဲ မနေနိုင်။ ဝမ်ကျဲက ဒိန်ချဉ်ပုလင်းကို သူမနံဘေးမှ ပေးကာ တိုးတိုးလေးပြောသည်။ "ဒီနေ့ကအပူချိန် 30 ဒီဂရီလောက်ရှိတယ်လေ၊ အဲ့တာကြောင့် နေ့လည်က အရမ်းပူနေတာ။ တောထဲမှာ နည်းနည်းတော့သက်သာဖို့ မျှော်လင့်တယ်။"

"အင်း..." တုယွီရှုက ဒိန်ချဉ်ကို ပိုက်နှင့် စုပ်သောက်နေပြီး ဝမ်ကျဲ နှင့် တခြားလူတချို နှင့် အတူတောထဲကို လိုက်သွားခဲ့သည်။

ဒါရိုက်တာ နှင့် ဝန်ထမ်းတွေက အစစအရာရာ ပြင်ဆင်ထားပြီးဖြစ်တဲ့အတွက် မြင်ကွင်းက မနေ့ကနဲ့ အတူတူပါပဲ။ တုယွီရှုသည် သူမ၏နဖူးကို ပွတ်သပ်လိုက်သည်။

ရာသီဥတုက ပူလွန်းတော့ သူမဘာမှမလုပ်ပဲ မတ်တပ်ပဲရပ်နေတာတောင် ချွေးတွေထွက်နေပြီ။

တုယွီရှု ရောက်ရှိလာသောအခါတွင် ယဲ့ကျင်းအန်း နှင့် ထုန်ဟွာနျန်တို့ ရောက်ရှိနေနှင့်ပြီးဖြစ်ပြီး အလွန်ခင်မင်ရင်းနှီးသော ပုံစံဖြင့် နွေးထွေးစွာ စကားပြောနေကြသည်။ တုယွီရှုက လမ်းလျှောက်သွားပြီး နှုတ်ဆက်လိုက်ကာ စကားစမြည်ပြောသည်။

ထုန်ဟွာနျန်သည် ကောင်းကောင်းအနားယူခဲ့ပုံရသော်လည်း သူ၏မျက်နှာသွင်ပြင်မှာ အနည်းငယ် ညှိုးငယ်နေသည်။ တုယွီရှုက ပြုံးပြီး မမြင်ချင်ယောင်ဆောင်လိုက်သည်။ သူ့အသွင်အပြင်က လက်ရှိရေပန်းစားနေတဲ့ ချောမောပြီး နူးညံ့တဲ့ပုံစံနှင့်မတူဘဲ ပိုမာကျောကာခန့်ညားသည့်ပုံပေါက်သည်။ အစောပိုင်းနှစ်တွေတွင် အနုပညာနယ်ပယ်နဲ့ပတ်သက်၍ သူနှင့် ရင်းနှီးသော အဆက်အသွယ်ကောင်းများမရှိခဲ့ပေ။ သူ့ရဲ့ ဇာတ်ရုပ်အချို့ဟာ အချိန်အတော်ကြာ ရေပန်းစားခဲ့တာကြောင့် သူဟာဖျော်ဖြေရေးအသိုင်းအဝန်းမှာ တည်ငြိမ်နေခဲ့ပါတယ်။ ဒီreality show မရောက်ခင် တုယွီရှု နဲ့ ထုန်ဟွာနျန် တို့ဟာ စကားအနည်းငယ်သာ ပြောဆိုခဲ့ကြပြီး၊ အချိုအရာတွေကသိပ်တောင်အရေးမပါပေ။