ضي قلبي ( بقلم رانيا العربي)

الحلقة {٤٤}

انا عارفة اني اتأخرت بس كنت محبطة جدا من التصويت والتفاعل على الرواية لو حاسين أنها مملة قولوا يا جماعة مش هزعل التعليقات ضعيفة و محبطة جدا الصراحة
شكرا علي كل شئ بسم الله نبدأ

✨♣✨♣✨♣✨♣✨

يذهب ناصر سريعا ويجد امه و زوجاته في بهو المنزل ليردف بلهفة : أمي رباب فين

شوق بتعجب : خرجت وراك يا ضنايا و مرجعتش
لتردف مواسم بنبرة استفزازية وهي تضع يدها علي خصرها : شوف مرتك العايقة فين يا واد عمي

ليشيح بوجهه ووهو يجز ع اسنانه بغيظ ويردف : احفظي لسانك يا مواسم انا سكت علي كلامك كرامة لأبوكي و أخوكي اللي رجعوكي لكن انتي بعد اللي عملتيه ولا كنتي تلزميني ، ومش انتي اللي هتعرفني هعمل ايه يا مرتي فخليكي في حالك اكرملك يا بت عمي

ويتحرك للخارج بحثا عن من ملكت فؤاده بحنانها و عشقها الذي تقدمه بدون مقابل

✨♣✨♣✨♣✨♣✨

كان أحمد و زينة ينزلون من السيارة منهكين من العمل لتردف زينة بإرهاق : انا هموت من التعب يا أحمد مش قادرة بجد يوم مرهق جداً

أحمد وهو يحاوط كتفها ويردف بحنان : بعد الشر عليكي من التعب يا حياتي ، والله يا زينتي انا كمان تعبان مله

لتردف بضحك : مله يا دكتور

ليؤكد علي حديثه بمرح : مله يا قلب الدكتور

ليستمعوا لصراخ هاشم لتردف زينة بقلق : هو في ايه هاشم بيصرخ كده ليه

أحمد وهو يركض سريعا للداخل : مش عارف تعالي بسرعة يمكن تعبان ولا حاجة

✨♣✨♣✨♣✨♣✨

كان الجميع قد استيقظ بفزع من صراخ هاشم و تلك الأفعي السامة تقف داخل المنزل بالخفاء لتجري اتصالها : كله تم يا ست زهرة عايزة حلاوتي بقي

زهرة بضحكة ساخرة : هتوصلك النهاردة يا سامية ، المهم لو حد سألك هتقولي شوفتي إزازة في ايد نور ، المهم حطتيها في خلجتها ولا لسه

سامية بتأكيد : حطيتها يا ستي والله ، ده الست شادية مش بعيد تقتلها وهيكون اقل واجب

زهرة بنبرة متعالية : اقفلي يا بت وقتك خلص

✨♣✨♣✨♣✨♣✨

كان الجميع يقف خارج جناح هاشم الوجوه جميعها بين قلق و خوف يجلس هاشم أرضا و بجانبه ضي تضمه بخوف ليجلس من الجهة الأخري جلال وهو يمسح علي شعره بحنان : اهدي ان شاء الله خير يا حبيبي

ليتحدث هاشم بصوت باكي و قلب مفطور : دي فجأة واحنا بناكل صرخت وبعدين نزفت ووقعت بين ايديه والله يا بابا انا خايف عليها هي ، مش عايز عيال انا عايز شمس بس ، انا خايف دي هتتوجع لو حصل ل بدر حاجة