تتجه العيون كلها نحو زين الهواري الذي لم يكن بمكانه ،لأنه كان أول من تحرك للخارج ينظر بحسرة كبيرة للنار المشتعلة حول قصره الذي يشاهده امامه يكاد يهوي من شدة النيران
ليجد صراخ جلال لأبنته ضي الراكضة نحو الأسطبل وهي تهتف بصراخ و دموع : سكرررره سكرررره
لتمنعها يد فولاذية تضمها من خصرها تخفيها بحضنه ويربت علي ضهرها بحنان : اهدي يا قلب سليم ، الأسطبل بعيد عن النار متخافيش
ليردف رعد الواقف بجوار عمار المصدوم من المشهد امامه : شكلها بدأت بدري يا صاحبي ، كويس اننا عملنا حسابنا
ليجدوا أنذارات الحريق دوت بصوت عالي بالقصر وبعدها بدأ الإطفاء الذاتي ، وكان الرجال يقومون بإطفاء النيران المشتعلة بالحديقة المحاوطة بالقصر ..استمر الأمر لساعات
ليردف زين الجالس علي أحد المقاعد بحسرة : المهم ان محدش صابه حاجة يا ولادي ، الباقي يتدبر
ليربت جمال الزيني اخيها ل ورد بمواساة علي كتفه : الحمد لله يا واد عمي هم انت وناسك علي بيتي بينا يلا
ليومئ زين رأسه بإعتراض : مش هقدر يا واد عمي بيوت الضيافة حوالين القصر مجرلهاش حاجة ، تشكر يا حبيبي
لتبتسم ورد لأخيها قائلة : مهنقدرش نباعد عن بيتنا يا جمال روح انت يا حبيبي شوف حالك واحنا اهو كلنا بخير
ليقف وهو يزفر بضيق : ماشي يا ياخيتي بس انتوا زعلتوني منيكم
ليقترب سليم مقبلا رأسه بتبجيل : احنا منقدرش نزعلك يا جدي بس احنا لازمن نكون جار البيت
ليومئ رأسه بتفهم وهو يتحرك مع عمار : ماشي يا ولاد الهواري ، انا موجود يا ورد وقت ما تحتاجي اخوكي موجود لجل خاطر عيونك يا بنت الزيني
لتبتسم له بمحبة : تعيش يا اخوي
ليقترب سعد من عمه قائلا : عمي دلوقت اتفضلوا في الدوار عندنا عقبال ما بيوت الضيافة تتنضف
ليهتف مروان بإعتراض : وليه يا عم سعد الڤيلا اهي جنب القصر و فاضية يعني هيكون احسن
ليقاطعهم عمار بمساوامة : خلاص نقسم نفسنا الرجالة في الدوار عندنا والبنات في ڤيلا مروان قولت ايه يا جدي
ليجد الفتيات تقف مع بعضهم بحالة حزن شديد ليبتسم لهم بإطمئنان وهو يشير لهم لتقترب الفتيات ليفتح ذراعيه لهم لتركض جميعهم له ليهمس لهم : معايزش اشوف دمعة واحدة في عين واحدة فيكم يا ملكات و أميرات بيت الهواري
ليجد ضي و زمردة يبكون بشدة ليقترب منهم سليم يربت علي ضهر ضي بهدوء : ليه يا قلب سليم الدموع دي كلها ليه
لترفع زمردة عيونها وهي تلوي فمها وهي تربت علي كتف ضي بمواساة : اهدي يا حبيبتي انا عارفة انهم كانوا عشرة كيلو هنجيب منين دلوقتي
أنت تقرأ
ضي قلبي ( بقلم رانيا العربي)
Roman d'amourالحب ليس ضعف اذا وقع حبيبك في عشق آخر اترك كل شئ الظروف ربما تجمعكم من جديد او ان يكون القدر هو فقط الفراق الرواية في صعيد مصر عن عائلة من أعرق عائلات الصعيد وأبناء عمومه وحب دفين بين بنات وشباب هذه العائلة ولكن منهم حب متبادل ومنهم من احب من طرف وا...
