ضي قلبي ( بقلم رانيا العربي)

الحلقة {٤٥}الجزء{٢}

بدايتا كده دي باقي الحلقة اللي فاتت وان شاء تستمتعوا بيها
يلا استعنا على الشقي بالله

🌟♒🌟♒🌟♒🌟♒🌟

بجناح هاشم كانت شمس تجلس علي الفراش وهي تتابع بفضول هاشم الذي يقف بالشرفة يتابع خروج سيارات عائلة الزيات وايضا سيارة عمار من القصر
لتردف شمس بتساؤل : خلاص مشيت

ليلتفت لها ويجلس بجوارها : ايوة ربنا يسترها معاها ويفرح قلبها

لتردف شمس بنبرة حزينة : كان نفسي اشوفها قبل ما تمشي

ليجذبها لحضنه ويمسد علي اكتافها بنبرة حانية : مش هي طلعت بعد ما لبست الفستان وسلمتي عليها

لتومئ برأسها بالإيجاب ليكمل وهو يقبل رأسها : معلش يا شمسي قالوا الحركة ممنوعة دلوقتي خالص ، نقول الحمد لله انك بخير يا قلبي

لتتطلع نحو الحقائب الموضوعة بجوار الباب وتعيد نظرها لعيونه بنظرة توسل بالعودة بعدم الاستسلام والتمسك بالحياة من اجلها لينظر لها بإبتسامة مطمئنة مقبلا عيونها ويردف بحب : هرجع يا قلب هاشم هرجع يا شمسي ، هرجع وهنربي بدر سوا هو واخواته كمان

لتضحك شمس بخفه : اخوات ايه بس يا هاشم ، ده فضل ونعمة من ربنا عوض عليا صبر سنين بيه وانا راضية و حامدة وشاكرة ولا عمري هطمع

ليرفع حاجبه بمشاكسة : ايه يا ست شمس انتي مش عايزة عيال مني ولا ايه ، اصلا معاكي حق كفاية عليا سي بدر اللي هياخد الدلع و الحنية والاهتمام ليه هو

لتضم خصره بشده وهي تقبل رقبته : انت الحب الأول والأخير يا هاشم انت ابني البكري

ليردف بخبث وهو يعض علي شفايفه : في حاجات هموت و اعملها بس خايف عليكي يا شمسي ، وكمان السفر الصبح

لتردف بتذمر وهي تمرمغ رأسها بصدره : بلاش شخصية حمدي الوزير تطلع دلوقتي ، خليني اشبع من حضنك عايزة هاشومة بتاع الرومانسيات مش قليل الأدب بتاع الكباريهات

ليقبل رأسها مراراً بضحك : عيوني نشبع رومانسيات بأدب للصبح

✨➖✨➖✨➖✨➖✨➖✨

بغرفة ضحي كانت تتحدث مع فارس علي الهاتف وهي تردف بنبرة حزينة : طب اقولك بذمتك يا شيخ لما جيت تتجوز صدفة حصل كل البلاوي دي عشان تمنعك من الجواز

ليردف فارس بتأفف و نبرة حانقة : طب ليه ام السيرة الزفت دي دلوقت

لتردف ضحي بصدق : لا بتكلم بجد قول بصراحة بقي

ليردف فارس بنبرة حانقة ولكن بصدق : بصراحة يا ضحي الموضوع خلص في نص ساعة وكان كله تم

لتردف وهي تلوي فمها بتهكم : شوفت انت قولت الحقيقة اهي ، اكيد الجوازة دي مش مكتوبلها الخير كل شوية يا تتأجل يا تتلغي واكون موعودة لغيرك ، عشان تعرف  بس يا فارس انا وانت مش لبعض يابني اعترف بالواقع وسيبك مني