ضي قلبي ( بقلم رانيا العربي)

الحلقة {٥}

هز سليم رأسه بنفي لعدم فهمها مقصده لتكمل هي بإنفعال: لا يا دكتور سليم.. ضي اللي انت رفضتها زمان مش جاهله مش زي ما انت كنت فاكر .. ضي اتغيرت .. ولو عايز تعرف ضي على حقيقتها ابقى افتح المدونه بتاعتي وانت تعرف هي مين ضي الهواري .. او أسأل مروان اللي انا مسؤول عن التسويق الالكتروني في جروب الأنصاري.. مش هتتحرج منها قدام اصحابك وزمايلك ما تخافش

تحركت بعصبيه من أمامه ليمسك معصمها قائلا بضيق من نفسه : ضي انا مش قصدي.. انا اتفاجئت بس مش اكتر

التفتت لتنظر لعيونه بعناد وتحدي سافر قائله بإتهام صريح له : لا يا سليم .. انت اتهمتني بالكذب

زفر بقوه قائلا بتبرير : يا حبيبتي والله مش قصدي

لتنفض يده عنها قائله بخيبه أمل: ولا قصدك مش مهم.. انا ماشيه رايحه الفندق.. سلام

وتحركت خرجت من الغرفه وهي تصفع الباب بغضب ليقف خلف الباب يضرب رأسه به يعاتب نفسه بقسوه قائلا: غبي .. بس وانا كنت اعرف منين .. واضح يا بنت جلال ان انت لغز كبير .. بس حقها تزعل برده .. انا هراضيها ان شاء الله انا ما اقدرش على خصامها ده
خليك معايا يا رب..

💟➖💟➖💟➖💟➖💟➖💟➖💟

مساءاً كانت تلك القاعه التي كانت ستكون قاعة عرس تحولت الى قاعة للاحتفال بعيد ميلاد صغيره طارق جنى .. ومعرفه جنس مولودهم الجديد
فكانت البالونات والاضواء المبهجة والفقاعات المائيه وألوان زاهية تحيط بالجميع .. ويوجد العديد من الشخصيات الكرتونية التي يرتديها الممثلون والعديد من الأطفال يصرخون ويدورون ويلعبون بالمكان

كان طارق يقف بالجوار وهو يرن على هاتفه من قبل صافي ليرد بخبث: انزلي يا صافي الناس كلها بدأت تيجي.. اصحابنا كلهم وصلوا

لتجيب من الجهه الأخرى: انت مش هتطلع تاخدني
ليرد بنفي: لا يا صافي انزلي مع والدك .. انتي نسيتي ولا ايه انا هكون مستنيكي على الاسيتدج جوه .. يلا انا اجلت السيشن بعد الفرح عشان اتاخرنا

....

بالجهه الأخرى يقف مالك وبيده بالون كبير وهو يتابع توجيهات ضي له وهي تتحدث معه بلطف: شوف يا ميكو دلوقتي صافي الشريره دي هتدخل وانت هتوقف هنا على الاسيتدج وهي هتقرب عليك .. القمر بتاعي بقى يعمل ايه تديها البالون وتطلب منها تفرقعه عشان نعرف مامي هتجيب بنت ولا ولد .. فهمت يا حبيبي

ليوميء الصغير رأسه بثقه طفوليه : ما تخافيش يا ضي انا فاهم كل حاجه .. وهبعد عشان الميه اللي في البالون ما تجيش على البدله بتاعتي

لتضرب كفها بكفه الصغير قائله بإستحسان: عاش يا وحش قلبي انت يا ميكو

....