ضي قلبي ( بقلم رانيا العربي)

الحلقة {٣٧}

بمنزل منصور الهواري الأخ الأكبر ل زين الهواري كان رجلاً كهلاً يجلس علي الفراش لا حول له ولا قوة فهو مصاب بالشلل النصفي وإضافة انه مريض للقلب كانت ابنته زهرة تمسح فمه بعد ان قامت بإطعامه بإشمئزاز و نبرة قاسية خبيثة : شفت ولادك يا ابوي نسيوك كيف ، ابنك سعد بته الخاطيه اللي جابت العار للعيلة قال هيجوزها لحفيد صالح الزيات حسن ، ولا بتك الست شادية ولا بتسأل عنك ، شفت مفيش غيري بتك زهرة اللي انت قبل ما يجري اللي جري كنت هتقول انها السبب في موت أمها و حادثة ورد لكن يشاء العليم تقع من علي السلم وتتشل شوفت الستر بقي

وهو ينظر لها ولا يقدر علي الحديث فقط يزوم ويهمهم بإنفعال و دموع لتكمل هي بحزن مصطنع وهي تربت ع يده : اني قايمة اروح اطل علي هاشم ولدي و ارجعلك ، عارف يا ابوي اني قاعدة اهنه ليه أصل بتك شادية كاتمة عليا ومش قادرة اشتغل اللي في دماغي براحتي ، اني هرجع بس بعد ما اهد الكل وهتشوف

لتتجه للخارج وهي تدندن لتجد هاتفها يرن لتجيب بتأفف : خبر ايه يا صلاح قولتلك اني هتصل بيك

صلاح بتهديد : زهرة اتعدلي معايا ، احنا دافنينه سوا ، قوليلي نوارة مش بترجع البيت ليه

زهرة وهي تلوي فمها بضيق : قولت نوارة ، انا قولت اتوحشت زهرة

صلاح بإبتسامة ماكرة : انتي دايما واحشاني يا جميل ، بس انتي عارفة القلب بقي ، ما انتي كمان قلبك مليان يا زهرة المهم نوارة فين

زهرة وهي تردف بحنق : اكيد مع امها عشان اتنقلت المستشفي بتعمل علاج طبيعي ، وكمان هاشم ولدي طلع تعبان والكل مشغول عليه

صلاح بسخرية : وانتي ايه مش مشغولة يا زهرتي علي ابنك

زهرة بإستخفاف : يعني هيجري ايه يعني ، بعدين يا حبيبي ابني فرحان بمرات ابوه قوي ، خليها تنفعه هو و ابوه

صلاح بتفهم : اه عشان كده ، يعني نوارة مش فاضيالي أهيص انا بقي ، مش ناوي تحني عليا بقي
زهرة بضحكة رقيعة : مش دلوقت عندي شغل مهم ، بعدين نتقابل في بيت الجبل

صلاح : ماشي يا زهرتي ، سلام

_ زهرة وهي تنادي احدي الخادمات لتأتي سريعا : اني رايحة المستشفي ، ابقي طلي علي ابويا

الخادمة : مفهوم يا ست زهرة

_ عند صلاح بعد ان اغلق الخط يجد من تجلس علي ارجله وتحاوط عنقه بذراعيها : كنت بتكلم مين

صلاح وهو يقبلها بشراهة من فمها : كنت بطمن يا نيرو ان نوارة مش راجعة دلوقتي انتي عارفة البيت بيكون أمان عن الفندق وبنعمل فيه اللي عايزينه

نيرمين وهي تداعب بأناملها شفايفه : فعلا البيت امان ، المهم مش هتفطر

صلاح بتساؤل : انتي جعانة يا نيرو