ضي قلبي ( بقلم رانيا العربي)

الحلقة {٤٦}

بمطار القاهرة الدولي يقف هاشم بصحبة عمار ويقوم بتودعيهم جلال و سليم

ليردف جلال بعتاب : ليه مش عايزاني اكون وياك يا ضنايا

ليردف هاشم بإقناع وهو يمسك يد ابيه ويقبلها : يا بابا عمار معايا اهو و كمان رامز صاحبنا هناك ويومين و سليم هيكون معانا ، وانت عارف الظروف في النجع دلوقت مش عايزك تسيب جدي و القصر والظروف كده ، ان شاء الله هكون بخير اطمن

ليضمه جلال وهو يردف بقلق و خوف و رعب داخلي : في رعاية الله يا حبيبي ، اهتم بصحتك وارجعلي يا اول فرحة في عمري ، ارجعولي انتو الاتنين فاهم

ليومئ هاشم رأسه بدموع : فاهم يا بابا ادعيلي

ليضم جلال عمار وهو يهمس له : اخوك في امانتك يا عمار هترجعوا بخير

ليردف عمار بنبرة حانية : متخافش يا بابا عليه بأمر الله هنرجع ، ادعولنا بس

ليضمهم سليم بمحبة ويذهبوا للداخل و هاشم يرسل نظرات يخشي ان تكون وداع ليلوح له سليم بغمزة و ابتسامة مطمئنة

وبعدها يربت جلال علي كتف سليم : انا هركب الطيارة لجل ما ارجع طوالي علي البلد

ليردف سليم بعبوس : طب ما تخليك معايا ونرجع سوا بكرة بليل

ليردف جلال بإعتراض : لا لازمن ارجع

ليردف سليم برفع الحاجب بمشاكسة : ايوة طبعا لازم ترجع اكيد نور هتوحشك

ليضربه جلال علي ضهره ليتأوه سليم من ضربه عمه ليردف بحدة مصطنعة : معاك حق انا مقدرش ابعد علي نوري بعد ما رجعتلي ، ده احنا اتعذبنا ياما يا ابن عادل ، دلوقت مقدرش انام غير لما املي عيوني منيها ، واحس انها بتتنفس نفس الهوا و نايمة علي نفس الفرشة وقتها اقدر اتنفس وانا مطمن

ليردف سليم بإستنكار مرح : اومال اجي معاك يا هاشم وبتاع

ليضغط علي كتف سليم بمشاكسة : ماهي هتكون معايا رجلي علي رجلها ، ده القلب هلك من البعد يابني خلينا نشبع من بعض قبل ما نقابل وجه كريم

ليردف سليم بفزع وهو يقبل رأسه بإحترام : بعد الشر يا عمي ربنا يبارك في عمرك وتفرح بينا و بأحفادك يارب

◼◼◼✨◼◼◼✨◼◼◼✨◼◼◼

بقصر الهواري كانت شمس بين احضان جدتها تبكي بشهقات عالية منذ سمعت خروج السيارات من القصر

لتردف ورد وهي تقبل رأسها وتمسد علي اكتافها بنبرة حانية : وبعدهالك يا شمس اذكري الله يا بنتي و ادعيله يرده سالم غانم بإذن الله

لتردف شمس ببكاء : خايفة يا جدتي خايفة قوي قوي

ليقاطعهم دخول شادية و نور يحملون صواني الفطور والمشروب الصباحي الشهير الشاي بلبن وخلفهم باقي البنات لتردف ضي بحركة مسرحية مرحة تحاول إلهاء شمس بها عن البكاء : قررنا نسيب الناس اللي تحت تموت من الجوع ، وهنعمل بيات شتوي في جناح شمس أكل و مرعة وقلة صنعه علي رأي مرات عمي