ضي قلبي ( بقلم رانيا العربي)

الحلقة {١٩}

أروع ما في حبّنا أنّه ليس له عقل، ولا منطق، أجمل ما في حبّنا أنّه يمشي على الماء ولا يغرق.

➖💜➖☘️➖💜➖☘️➖💜➖

دلف منزله بعد يوم شاق وطويل ، ليجد المكان هادئا وضع أغراضه على طاولة بجوار الباب وهو ينادي عليها : مريومه .. انت فين يا عسليتي

ردت عليه من داخل المطبخ بصوت عالي : انا في المطبخ يا قلب مريومه

تحرك نحو مكانها بخطوات واسعه ليجدها تقف امام الموقد وهي تترقص على انغام الموسيقى الصادرة من جهاز هاتفها تدندن معه : تعالي ادلعك .. قولي ايه هيمنعك

باغتها وهو يحاوطها بخصرها يضمها على صدره بقوه يقبل عنقها بشغف يهتف بصوت لاهث : طب انا جيت اهو دلعيني بقى

ابتسمت وادارت وجهها تقبل وجنته قائله بنعومه : عيوني يا رعد باشا هندلعك .. بس نتعشى الاول عشان بنتك برق هانم عامله قلق في الارصاد المعديه .. ماشي يا رعدودي

أماه برأسه مقبلا وجنتها بعمق راضخا لرأيها يعقب : تمام يا ستي نستنى على الدلع بعد الأكل.. انا اصلا كمان جعان قوي.. اليوم صعب وهلاك

التفتت له تسأل بقلق : والاخبار ايه عند الجماعه ..

أجابها بنظره مهمومه يزفر أنفاسه ببطيء : الحوار خلص اه .. بس عارفه نظره الكسره اللي في عيون ولادها كانت ازاي .. ولا خوف سليم ورعشه ضي وهي بتسلم نفسها للموت بتودع اهلها بعيونها .. ولا فارس وهو بيمسك خالته وبيسلمها .. يوم يوجع القلب .. كانت لحظات بعمر البني ادم كله

مسدت على اكتافه بيديها برفق تحدثه بلين : ربنا يهون يا حبيبي .. الحمد لله انها عدت على خير .. يلا اتفضل خد شاور عقبال ما اوضب السفره

مرر أنفه على وجهها يجيبها بصوت أجش متطلب: طب ما تيجي معايا عشان اخلص بسرعه

همهمت بموافقه وهي تتدلل قائله : طب شيلني يلا يا رعد باشا

رفع حاجبه بعدم تصديق فهي تملكتها هرمونات الحمل منذ فتره ولا تطيق رائحته .. ليسألها بترقب : ده بجد .. يعني هرموناتك اتغيرت ولا ايه بقيتي طيقاني ولا .. ولا هترجع ريما لعادتها القديمه .. ومش طايقه ريحتك وبتاع

فتحت فمها بصدمه مصطنعه تشير على نفسها تهمهم بإستنكار مرح: انا يا ظالم يا مفتري .. ده انا بموت فيك يا رعدودي

ضحك بخفه وهو يغمز بطرف بترف عيونه بعبث: بالذمه يا شيخة.. طب كويس اني حصل تغير في الاعدادات بتاعه الهرمونات لان حبيبك بايش من كتر الحموم

اشارت على بطنها بعدم رضا مصطنع تقول: بنتك السبب انا مالي .. هو كله ظلم ظلم كده

أغلق الموقد من خلفها وحملها بين ذراعيه وهو يهتف بمداعبة: على قلبي زي العسل يا ستي .. تعالي بس نشوف الدلع الاول بعد كده هنبقى نشوف الأكل