ضي قلبي ( بقلم رانيا العربي)

الحلقة {٥٢}

السلام عليكم بدايتا كده عارفة و معترفة اني اتأخرت جداً جداً ، بس بحق جلال الله انا كنت في وضع صعب جدا الفترة اللي فاتت ، الأمور بفضل الله استقرت وعشان كده ادي البارت اهو وان شاء يعجبكم

💠➖💠➖💠➖💠➖💠

بمطبخ ڤيلا مروان كانت تجلس الفتيات يتبادلون الأحاديث ، ليقطع حديثهم صراخ زمردة وهي تحمل الأكياس مع يوسف : جبت الكنز يا بنات ، اخيراً هنام مرتاحة وأنا شامة ريحته و مطمنة أني هأكله الصبح ..يا حلاوة العيد

لتجد يوسف يدفع كتفه بكتفها بإستنكار : جايبة الكباب ياختي ، وايه ريحته اللي هطمنك دي يا معفنة ده قلب ريحة العربية يا بعيدة

لتسحب ضي منه الأكياس و تضعها علي الطاولة وهي تطالعه بتأفف : ايش فهمك انت يا ستالايت ، الحاجات دي بتاعة الناس اللي قلبها حديد يا روهيف

لتدخل شمس بخطوات بطيئة وهي تضع يدها علي بطنها المنتفخة بإبتسامة حالمة : آه يا بنات يا فرحة قلبي ، ما تطلعوا حته كده ندوق

لتهتف هنا ل عايدة الجالسة بجوارها بتساؤل : انطي عايدة هو طعمه حلو للدرجة دي

لتضمها من اكتافها بإبتسامة وهي تجيب بثقة : بصي يا مرات ابني يا صغيورة انتي هي أذواق ، يعني مثلاً شركة المجانين الموجودة قدامك دي بتعتبرها أجمل أكله في الوجود ، وبينتظروها من السنة للسنة ، وفي ناس تانية شايفة ان ده سمك معفن

لتشير عايدة علي نفسها بفخر : احنا بقي من الناس الأولانية شايفين الفسيخ أكله الملوك

لتبدء البنات بالغناء والرقص والتطبيل وتقف ضي وهي تغني علي طاولة المطبخ وترقص شمس ببطنها وهي تأكل ، وضحي تمسك أحد الأطباق تدق عليها وتصرخ زمردة بالأغاني لتأتي حنين بفهد لتحمله ضي وهي ترقص به و تحمل ماسة أيان لتقف بجوار ضي علي الطاولة وتمسك بيد ماسة يرقصوا و البقية يصفقون

ليمر زين من امام المطبخ هو و اولاده و احفاده يضحكون عليهم لينظر لأعلي بإمتنان للخالق علي سلامة عائلته ، ويتحرك للخارج

💠➖💠➖💠➖💠➖💠➖💠

بسيارة سعد كانت صفية قد غطت بالنوم ، تقف السيارة ولا يوقظها و يأمر رجاله بحملها ، وبعد مدة تجد دلو من الماء المثلج يرتمي عليها وهي بغرفة رثه لا يوجد بها سوي أضاءة خافته وأخذت تنادي بخوف : سي سعد ..يا سي سعد

لتحادث نفسها برعب وهي تضرب علي صدره : معقول زين الهواري عتر فيا و بينتقم لبنته

لتجد الباب يدفع ويدخل بهيبته القاتلة يدق الأرض بعصاه العاجي ويمشي بثقة ويقف أمامها ، وهي جالسة أرضا ليضرب الأرض بعصاه بحزم : همي يا بت اقفي ، اصلبي طولك اكده لسه الليل في أوله