ضي قلبي ( بقلم رانيا العربي)

الحلقة {١٦} الجزء الثالث

بصباح ذلك اليوم حيث تاخر الإحتفال بعقيقه ابناء نواره بسبب فرمان من خالد الأنصاري خوفا على صحه زوجته .. حيث مره على ولادتها اكثر من عشرين يوما ..

كان زين يتحرك للخارج ومعه جلال ليوقفه صوت هاشم ويحدثهم قائلا بقلق : خير من غير شر رايحين على فين على الصبح أكده..

التفت زين له وهو يهتف بضجر قائلا: رايحين نلحق عكاشه .. الا مصمم هيعمل البشعة اليوم في اهل داره ودار أخوه.. والناس استقصدتني الحقه

استمعت هنا للحديث لتتحرك نحو زين بعيون بريئه تسأل بفضول قائله : يعني ايه يا جدو البتاعه اللي انت بتقول عليها دي

ابتسم على الحماسه في عيونها ليضمها من أكتافها ويجلسون سويا بالشرفة الواسعه المطله على الحديقه ( التراس )

باشر زين حديثه قائلا بتوضيح : صلي على النبي  اللي هيشفع فيكي.. شوفي يا ست البنات البشعه دي عاده من عوايدنا في ناس كتيره بطلتها وفي ناس لساتها معتقده فيها .. زيها زي السحر وجلب الحبيب والمندل .. حاجات ياما بس دي بقى .. بيعملواها لما واحد بيتسرق والله بيشهد زور يقوموا يجيبوا سكينه حاميه ويسخنوها على النار ويمرروها على لسان البني ادم ده بيقولك لو صادق مش هيتحرق ولو كداب هيتحرق ويصرخ فهمتي

انكمشت ملامحها بإشمئزاز قائله : دي حاجه بشعه خالص يا جدو

ربت بحنان على كتفها قائلا بقلة حيلة: عوايد يا بتي واديني اها هروح يمكن الموضوع يتحل .. عارفه ده واحد بقى اتسرق من بيته ١٠٠ الف جنيه وما حدش بيدخل داره غير نسوانه وبيت أخوه وهو دلوقت متهم الكل ومصمم يعرف مين .. ربك يسويها من عنده

نهض زين ومعه جلال الذي نادى على نور التي حضرت بابتسامتها المعهوده قائله ببشاشه : صباح الخير يا بابا .. شربت القهوه عجبتك

ابتسم زين بحنو وهو يرد عليها قائلا بإيجاب: تسلم يدك يا مرات ابني .. ما اتحرمش يا بتي  ابدا

تحولت عيونها لجلال قائله : ما تتاخرش وكمان وانت راجع هات فراوله عشان بنتك خلاص هتتحول علينا كلنا .. اعدي على المزرعه وهات .. بتقول لك حتى لو خضراء هاتها

أمأه برأسه بإذعان وهو يربت على وجنتها قائلا : حاضر عيوني للست ضي .. طب امها ما عايزاش حاجه والبت ضحى ويحيى باشا

ردت بصوتها الناعم : عايزه سلامتك يا حبيبي .. ضحى بتتوحم على كل الموالح اللي موجوده في الدنيا قاعده جنب الجبنه القديمه وخايفه عليها لما تيجي كلمها لا عايزه تسمعني ولا تسمع حماتها وحتى ماما ورد اتكلمت معاها وما فيش فايده ... ابقى تعال اشخط فيها شخطتين كده يمكن تتلم عشان كمان فارس لما جاه يتكلم زعقت وهو اتقمص