ضي قلبي ( بقلم رانيا العربي)

الحلقة {٤٥}

بداخل قاعة الحريم كانت تجلس رقية الزوجة الأولي ل حسن بجوار ندي التي ترتعد من الخوف لتربت رقية علي كتفها وهي تضمها وتقبل وجنتها بمحبة : متخافيش يا ندي والنبي حسن ده مفيش احسن منه ، انا عارفة انك صغيرة عليه قوي بس النصيب بقي نقول ايه وان شاء الله حبك يعشش جوه قلبه

لتنظر لها ندي بتعجب لتكمل رقية بإبتسامة بشوشة : ايه مستغربه اكده ليه ، انا اتفرضت فرض علي حسن يا ندي يعني لا هو كان بيحبني ولا انا بس الدنيا رمتنا في وش بعض ، بس القلوب ياخيتي بقي هو طول عمره قلبه متعلق بحبال الهوا الدايبة ، وانا قلبي ليه ساكن من زمان قوي لا هو قدر ينسي ولا انا عشان اكده بتمني تسكني قلبه وينسعد بيكي يا ندي ، ابن عمي طيب قوي وحنيه الدنيا فيه ربنا يرضي عنك ويراضيكي يا حبيبتي

لتأتي ضي عليهم بإبتسامة مشاكسة : جري يا ست رقية فينك ياختي

رقية برفع الحاجب بإستنكار : الكلام ده ليا انا يا بت الخواجية ، انا موجودة ياختي الدور والباقي علي اللي اتجوزت وسافرت وقلتي لا ليا اهل ولا صحاب اهنه ،والبت رباب كمان جابت بنت

لتجلس بجوارها بإبتسامة : اي بت زي القمر يا رقية ، انتي عارفة رباب حلوة جايبة البت نسخة منها

يصدع هاتف ضي برقم غريب لتشك ان يكون خالها خالد او مروان لتعتذر وهي بطريقها للخارج تجد امها وهي تقدم الضيافة وهي تردف بتساؤل : رايحة فين يا ضي

ضي وهي تحاول الوصول لمكان بعيد عن الضوضاء :باين خالد بيتصل هرد عليه وارجع

لتجد باب المطبخ مفتوح للحديقة الخلفية وكان سليم يسأل عنها لتشير نور علي المكان الذي ذهبت له ويذهب خلفها بإبتسامة ماكرة لتفتح الخط تجيب : الو

...الطرف الآخر : وحشتني الو بتاعتك اوي يا قلب مازن ، ضي عيوني وحشتيني

لتبهت وهي تري سليم امامها ينظر لها بتساؤل وهي تهتف بصوت خافت : مازن

ليرفع سليم يده ويفتح مكبر الصوت ويقف بجوارها محاوطا لها مربتا علي ظهرها لتهدء ليردف مازن بخبث : ايوة يا روحي مازن ، مازن اللي عايزه تسيبيه بعد كل اللي عملته معاكي

لتردف هي بشراسة وغضب : عملت ايه معايا ، اقولك انا يا مازن يا ابن خالي اللي المفروض تكون سندي بعد ما اتخلي عني اهل ابويا اقولك انك مارست معايا ساديتك بالضرب ولا افكرك لما كنت ارفض البس اللبس اللي تختاره ، ولا لما ايدي اتمدت علي واحدة صحبتك اهنتني وقتها كسرت ايدي ، ولا لما اول مرة قولتلك مش قادرة اكمل معاك كسرت رجلي وسحبت مني اي وسيلة اتصال ، ولا اخر مرة لما اتهمنتي بالخيانة وقعدت تضرب فيا لحد ما دخلت غيبوبة شهر ، انا اتحملت كتير يا مازن ولما قولت انك بتتعالج نفسيا قولت لنفسي ده جوزك استحمليه ولازم ترضي بنصيبك ، عارف انا كنت عارفة انك عاجز من اول يوم و قولت نصيبي