ضي قلبي ( بقلم رانيا العربي)

الحلقة {٣٦}

ليلاً بغرفة ضي تجد صفية تدق الباب وتقدم لها العشاء ومعه عصير فراولة لتردف ضي بإبتسامة حانية : ايه يا ست صفية متوصيه بيا اوي انتي

صفية بمجاملة صادقة : هو انا ليا مين غيرك يجبر بخاطري في قصر الهواري غير ست البنات كلها ضي

ضي وهي تربت علي كتفها بحنان : عشتي يا صفية ربنا يسعدك

لتجد من اقتحم الغرفة وتردف بفزع : حرام عليكي يا ضحي قطعت الخلف

ضحي وهي ترقص حاجبيها : مش عايزة انام لحالي قولت ننام سوا

لتذهب صفية مغلقة الباب خلفها لتردف ضي بخوف : بكرة هاشم هيدخل العمليات عشان الخزعة انا خايفة اوي يا ضحي

ضحي وهي ترجع ظهرها علي الوسادة بتنهيده : ومين سمعك انا مرعوبة ، انتي مش هتاكلي ولا ايه
ضي بنفي : لا مليش نفس هشرب العصير بس

ضحي بمرح وهي تسحب صينيه الطعام : خلاص أكل انا بقي

ضي بضحك : طفسة طول عمرك ، عاملة ايه مع فارس

ضحي وهي تمضغ الطعام بشراهه : ولا شوفته من وقت ما شالني زي شوال البطاطس ابن الدزمة ، عرفتي ان كتب كتاب ندي يوم الخميس

ضي بنبرة حزينة : ايوة عرفت ، وهي كمان وافقت من خوفها من أمها وليه شرانيه اوي ، البت كأنها بتنتحر ، بس عارفة بغض النظر عن حوار التار وانها اتفاق دم وكده حاسة ان حسن الزيات مش هيكون قاسي معاها

ضحي وهي تلوي فمها بضيق : يا بت دي هتبقي زوجة تانية فاهمة يعني ايه

ضي بإيمائه رأسها بتفهم : فاهمة بس انا وانتي عارفين رقية كويس ، غلبانة اوي وكانت بتحب بلال الله يرحمه بطريقة جنونيه وجايز تكون بتحب حسن بس مش زي بلال ابدا

ضحي بتأكيد : معاكي حق والله ، اطفي النور ياما عايزة انام

ضي بتأفف :ايه يا بت برميل الغلاسة ده ، قومي انتي يا غتيته

ضحي وهي تضمها وتردف بمرح : لا مش قادرة اقوم تعبانة يا ضوضو

ضي بضحك : اي ضوضو دي يابت يا هبلة

ضحي بغمزة :بدلعك ياحب

ضي بإشمئزاز وهي تبعدها : ده دلع ده ، كتك القرف عاملة زي هوهو هو انا كلب يا بت

ضحي وهي تجذب خدها بمشاكسة : كلبوبة حياتي انتي

ضي وهي تبعدها بأرجلها وايديها وتدفعها من علي الفراش : قومي يا حيوانه من هنا

ضحي بضحك وهي علي الأرض : استني يا بت اخر نشرة الأخبار ده لسه الزبد يا بنتي

ضي وهي تهز رأسها بيأس : قول يا رويترز قول غلبتي ال بي بي سي والله يا بنتي