[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၂]ရေခဲနှင့်နှင်းခဲ|ေရခဲႏွင့္ႏွင္းခဲ

"ဒီခန္ဓာကိုယ်ကလုယက်ခံလိုက်ရပြီ။ ဒါပေမဲ့ ကံကောင်းစွာနဲ့ပဲ ဓားနှလုံးသားကတော့ ဖုန်မှုန့်တွေနဲ့မညစ်ထေးသေးဘူး။"

___________________________________________________________

အခွင့်အရေးကားတစ်ခဏသာရသည်။ ဤမျှအရေးကြီးသောအခိုက်အတန့်၌၊ ရှုလင်ကျားတစ်စုံတစ်ခုကိုရုတ်တရက်မှတ်မိသွားချေသည်။

-- ဟယ်ဇီကျိုးက ဝူကွေ့ချန်၏ဆန့်ကျင်ဘက်တောင်ထွတ်ပေါ်မှာရပ်ရန် လူငယ်လေးကိုခေါ်သွားပြီး ထူးခြားဆန်းကြယ်သောတားမြစ်နယ်မြေအား ငုံ့ကြည့်နေခဲ့သည်။

"..ပတ်ဝန်းကျင်နေရာတစ်ဝိုက်က လူတွေကျူးကျော်ဝင်ရောက်လာတာကိုကာကွယ်တဲ့ မှော်စက်ဝန်းနဲ့ဝန်းရံထားတာ။ တကယ်တော့ စက်ဝန်းဟာလည်းစိတ်ဝိညာဥ်ရှိတဲ့အရာတစ်ခုပဲ။ တကယ်လို့ မင်းသာအဲ့ဒါကိုစော်ကားခဲ့ရင် အဲ့ဒါကပြန်ကလဲ့စားချေလိမ့်မယ်.."

မှော်စက်ဝန်းပဲ! စကားမစပ်၊ သက်သေပြဖို့သော့ချက်ကဒီမှာပဲဟ!

ရှုလင်ကျားကရုတ်ခြည်းမျက်လုံးပင့်ကာ ပြောလိုက်သည်။
"မတိုင်ခင်ကကျွန်တော်တားမြစ်နယ်မြေကိုဘယ်တုန်းကမှမသွားခဲ့ဘူးဆိုတာကို ကျွန်တော်သက်သေပြနိုင်တယ်။"

ပြစ်ဒဏ်ပေးဟောခန်းမ၏အကြီးအကဲကစစ်မှန်ရိုးသားစွာပြောလာခဲ့သည်။
"မင်းသာတကယ်စွပ်စွဲခံရတာဆိုရင် မင်းမှာရှင်းပြချက်တစ်စုံတစ်ရာရှိသင့်တယ်။"

ရှုလင်ကျား: "တားမြစ်နယ်မြေတစ်ဝိုက်ကမှော်စက်ဝန်းဟာ လူတွေရဲ့ဓားစွမ်းအင်ကိုမှတ်မိနိုင်တယ်။ တကယ်လို့ ကျွန်တော်သာမှော်စက်ဝန်းကိုကျုးကျော်ခဲ့တယ်ဆိုရင် အဲ့ဒါကကျွန်တော့်ကိုသေချာပေါက်တွန်းကန်မှာပဲ။ တစ်နည်းပြောရရင် ကျွန်တော်အပြစ်ကင်းစင်ကြောင်း ကျွန်တော်သက်သေပြလို့ရတယ်။"

အစွမ်းမရှိတော့သော်ငြား သြဇာအာဏာကတော့ထူးခြားစွာသက်ရောက်နေဆဲပင်။ တစ်ခဏတာတိတ်ဆိတ်သွားပြီးနောက် ဂိုဏ်းသားအများအပြားမှာသူတို့၏လက်နှစ်ဖက်ထဲတွင်ဓားကိုယ်စီကိုင်လျက်သားဖြင့် တစ်ချိန်တည်းတွင်ထွက်လာကြကာ သူ့အားသူတို့၏ဓားများကိုငှားပေးချင်နေကြသည်။