[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၄၈] ထျန်းဝမ်ချန့်ဖုန်|ထ်န္းဝမ္ခ်န့္ဖုန္

!unicode!

ကျင်းဖေးထုန်မျက်လွှာအသာချကာ သူ့မျက်ဝန်းကိုဖုံးကာလိုက်ပြီး သေရည်ဝိုင်ကရားကိုထပ်မကာ သူ့ကိုယ်သူအတွက်တစ်ခွက်ထည့်၍ ဖြည်းဖြည်းချင်းသောက်လိုက်သည်။

အေးမြသောသေရည်ကသူ့လည်ချောင်စထဲစီးဝင်သွားကာ အဆုတ်ထဲနစ်မြုပ်သွားပြီး ဒေါသကိုငြိမ်းသတ်လိုက်သည်။

ကျင်းဖေးထုန်စိတ်ငြိမ်ငြိမ်ထားကာပြောလိုက်သည်။
"အဲ့ဒါကိုထားလိုက်တော့။ မင်းရဲ့ချီဇုန်ကကျင့်စဥ်နည်းလမ်းမှာသိပ်ကိုအရေးကြီးတဲ့နေရာမှာပါဝင်နေတယ်၊ ပြီးတော့မင်းရဲ့ဓားချီထိန်းချုပ်မှုနဲ့တိုက်ကွက်တွေကလည်းထိပ်ဆုံးရောက်နေပြီးသား။ ရှင်းဇုန်ကမင်းရဲ့နှလုံးသားကိုအရေးပေးတာ။ ပြောရမယ်ဆိုရင် တစ်နေ့ကျမင်းရဲ့စိတ်ခံစားချက်တွေကိုရင်ဆိုင်နိုင်လို့ရှိရင် ဓားရေးကျင့်စဥ်တစ်ခုလုံးကလိုက်ဖက်ညီသွားလိမ့်မယ်။"

ရှုလင်ကျားပြောမိသည်။
"ခင်ဗျားဘာတွေစဥ်းစားနေတာလဲ။ တစ်ခါတလေကျရင် ခင်ဗျားဘာပြောနေလဲခင်ဗျားနားမလည်လောက်ဘူး။ တကယ်လို့ခင်ဗျားသာအရာရာတိုင်းကိုတကယ်ရင်ဆိုင်နိုင်လို့ရှိရင် ခင်ဗျားထိန်းချုပ်နိုင်အုံးမှာတဲ့လား။"

ကျင်းဖေးထုန်ကပြုံးသည်။
"အဲ့ဒါကပြောရခက်တယ်၊ အနည်းဆုံးတော့ကိုယ်မလုပ်နိုင်ဘူး။ ဒီတော့ဒါကသိပ်ကိုအလွန်အကျူးဖြစ်လွန်းတယ်။ အစထဲကလူတွေအပြစ်တင်တာခံနေရပြီးသားပဲလေ။"

ရှုလင်ကျားခေါင်းစောင်းကာ သူ့ကိုကြည့်မိသည်။ သူပြောလိုက်သည်။
"အရမ်းရိုးသားပွင့်လင်းတာပဲ၊ ခင်ဗျားအများကြီးသောက်နိုင်လားဆိုတာ ကျွန်တော်သိချင်မိတယ်။"

သူပြောလို့ပြီးသော် သူကကျင်းဖေးထုန်ရှေ့ရှိခွက်ကိုတွန်းကာပြောလိုက်သည်။
"လာပါ၊ သေရည်ငှဲ့လိုက်တော့!"

ကျင်းဖေးထုန်ကနာနာခံခံဖြင့် သေရည်ကရားအိုးကိုကောက်မလိုက်သည်။ သူ့အတွက်တစ်ခွက်ငှဲ့ပေးလိုက်ပြီး ကျန်တာကိုသူ့ခွက်ထဲသူငှဲ့လိုက်သည်။

သူလက်မြှောက်ကာ ရှုလင်ကျားနှင့်ခွက်ချင်းတိုက်လိုက်ပြီး သိမ်မွေ့သောကိုယ်နေဟန်ထားဖြင့်ပြောလာသည်။
"မနက်ဖြန် မင်းပြိုင်ပွဲပြီးသွားရင် ကိုယ်တို့ကောင်းကောင်းသောက်ကြမယ်။"