[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၉၉] ရင်ထဲကကပ်ဘေးထောင်ချီ|ရင္ထဲကကပ္ေဘးေထာင္ခ်ီ

!unicode!

သွမ့်စဲ့ကဆက်ပြောလာသည်။
"ဒါပေမဲ့ ငါပြန်ဝင်စားတဲ့အခိုက်အတန့်မှာ ကျန်းရွေ့ရဲ့ဝိညာဉ်ကလည်းဒီကမ်ဘာကိုရောက်လာပြီး ငါ့နေရာကိုယူသွားတယ်။ ငါကရုပ်ပိုင်းဆိုင်ရာခန္ဓာကိုယ်ကိုအချိန်မီမရလိုက်တော့ လုံးဝပျောက်ကွယ်သွားသင့်တာ။ ဒါပေမဲ့အဲ့အချိန်မှာ ငါ့စိတ်ထဲရုတ်တရက်အတွေးတစ်ခုဝင်လာတယ်။"

သွမ့်စဲ့၏အလျင်လိုနေသောလေသံကိုကြားလိုက်ရသော် ရှုလင်ကျားလက်သီးဆုပ်ကာသူ့ကိုမော့ကြည့်မိသည်။

သွမ့်စဲ့ကခပ်တိုးတိုးဆိုလာသည်။
"ဒီလိုဆိုးဝါးတဲ့ဘဝမှာ ငါကလဲ့စားမချေခဲ့ဘူး၊ ငါ့အမေကငါ့ကိုမကာကွယ်နိုင်ခဲ့တဲ့အပြင် ငါကကောင်းမွန်တဲ့ကလေးတစ်ယောက်ဖြစ်လာဖို့သွားခဲ့ပေမဲ့ တစ်စုံတစ်ယောက်လုယူတာခံလိုက်ရတယ်၊ ငါစိတ်ပျက်သွားပြီး မသေခင်အထိရန်လိုနေရင်တောင်မလုံလောက်ဘူး၊ ငါပြာမှုန့်ဖြစ်သွားရင်ရန်လိုရင်တောင် အဆုံးမှာဘာမှမလုပ်နိုင်ဘူးလေ၊ ငါကံကောင်းပြီးပြန်ဝင်စားချင်ပေမဲ့ ငါဘာမှအမှားမလုပ်ခဲ့ပါဘဲနဲ့ ငါဘာလို့ဒီလိုအရာမျိုးနဲ့ကြုံတွေ့ရတာလဲ။"

"ငါစဉ်းစားနေခဲ့တာ၊ မဟုတ်ဘူး၊ ငါပြောတာကိုလက်မခံဘူး၊ ငါကလဲ့စားချေချင်တယ်၊ အနည်းဆုံးတော့ငါသွမ့်ဟောင်ရန်ကိုသတ်ပစ်ချင်တယ်၊ ပြီးရင်ငါ့ဘဝကိုခိုးသွားတဲ့ကောင်ကိုသတ်ပစ်မယ်။ ပြောရတာထူးဆန်းတယ်၊ အဲ့လိုစဉ်းစားလိုက်တော့ ငါဓားထဲကိုပြန်ရောက်လာတယ်၊ ငါသွမ့်ဟောင်ရန်ရဲ့ဘေးမှာနေပြီးတော့ သူ့ကိုသတ်ဖို့အခွင့်ကောင်းကိုစောင့်နေခဲ့တယ်။"

သွမ့်စဲ့ပြောမိသည်။
"တကယ်တော့ ငါအဲ့အချိန်တုန်းကမိန်းမောနေမိတာ၊ အမှန်ပြောရရင်သွမ့်ဟောင်ရန်ကငါ့အဖေလေ၊ ပြီးတော့သူကငါ့အသက်ကိုကယ်ဖို့အကောင်းဆုံးလုပ်ပေးခဲ့ဖူးတယ်။ ငါသူ့အပေါ်အမုန်းတရားရှိပေမဲ့ အကြောက်တရားနဲ့ရွံရှာစိတ်လည်းရှိတယ်၊ ဒါပေမဲ့ဒီတစ်ခေါက်ငါဓားထဲပြန်ရောက်သွားချိန်မှာ ငါ့နှလုံးသားကဘာကြောင့်မှန်းမသိမာထန်နေခဲ့တယ်။ မင်းရဲ့ပုံစံကငါ့ကိုအခွင့်ကောင်းတစ်ခုပေးခဲ့ရုံပဲ။"