[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၁၀၈] သာ့ကျန်းဖန်းလန်|သာ့က်န္းဖန္းလန္

!unicode!

ဟယ်ဇီကျိုး၏စကားများကိုနားထောင်ပြီးနောက် ကျင်းဖေးထုန်​ပြောသည်ကိုကြားလိုက်ရပြန်ရာ သူ့နားမှာဆေးကြောခံလိုက်ရသည့်အလား ရှုလင်ကျားခံစားလိုက်ရသည်။

သူတက်ကြွသွားကာပြောမိသည်။
"ဟုတ်တယ်၊ ကျွန်တော်လည်းအရမ်းအံ့သြနေတာ။ ပြီးတော့ ရှစ်ရှုန်းသိလား။ သူ့ကိုယ်ထဲမှာမိစ္ဆာစွမ်းအင်ရှိတယ်။"

ဤသည်ကားကျင်းဖေးထုန်ပထမဆုံးအကြိမ်ကြားဖူးခြင်းဖြစ်ရာ သက်ာမကင်းဖြစ်စွာမေးမိသည်။
"မိစ္ဆာစွမ်းအင်? မိစ္ဆာအတွင်းစိတ်လား။"

"မိစ္ဆာအတွင်းစိတ်မဟုတ်ဘူး။" ရှုလင်ကျားခေါင်းခါကာပြောလိုက်သည်။ "မတူဘူး။"

သူတွေးလိုက်သည်။
"ဥပမာပြောရရင် အစ်ကို့မှာလည်းမိစ္ဆာအတွင်းစိတ်ရှိတယ်။ အစ်ကို့ရဲ့မိစ္ဆာအတွင်းစိတ်ထကြွလာတုန်းက ကျွန်တော်မြင်ဖူးတယ်လေ၊ အစ်ကိုကထိန်းချုပ်မှုလွတ်သွားပြီးတော့မိန်းမောနေရုံပဲ။ အစ်ကို့ရဲ့စွမ်းအားကိုမတိုးစေဘူး။ အများဆုံးအစ်ကို့ကိုစိတ်ခံစားလွယ်အောင်လုပ်ရုံပဲ။ အခုကအခြားသူတွေနဲ့တိုက်ခိုက်ရာမှာပိုပြီးတော့အကြင်နာတရားကင်းမဲ့သွားတာ။"

"ဒါပေမဲ့ ဟယ်ဇီကျိုးရဲ့လှုပ်ရှားမှုတွေကတကယ်ဆန်းကြယ်တယ်။ သူ့အခြေအနေကတစ်မျိုးပဲ။"

ကျင်းဖေးထုန်မျက်မှောင်အသာကြုတ်ကာပြောမိသည်။
"သူ့လုပ်နိုင်စွမ်းနဲ့ဆိုရင် သိပ်ကိုအံ့အားသင့်စရာပဲ။"

ရှုလင်ကျားသူ့ကိုတစ်ချက်လှမ်းကြည့်ကာ လှောင်ပြုံးတစ်ပွင့်နှင့်ပြောလိုက်သည်။
"ကျင်းအရှင်၊ အစ်ကိုရဲ့လျင်မြန်တဲ့တွေးခေါ်ပုံမျိုးနဲ့ ဘယ်လိုလုပ်ပြီးတော့ကျွန်တော်ဘာပြောတော့မလဲဆိုတာမစဥ်းစားနိုင်ရတာလဲဗျာ။ ကျွန်တော်ပြောပြမယ်။"

သူလက်နောက်ပစ်ကာခြေနှစ်လှမ်းရှေ့တိုးလိုက်ပြီးနောက်မြဲမြံစွာရပ်လိုက်သည်။
"အရင်တုန်းက ဇုန်ဝူရှင်းကိုချိပ်ပိတ်ထားတဲ့နေရာကဗလာကျင်းနေခဲ့တယ်၊ ရှစ်ရှုန်းကကိုယ်တိုင်သွားစစ်ဆေးကြည့်ခဲ့တာ။ အခြားသူတွေကနားထောင်ပြီးနောက်ပိုင်းမှာအရမ်းစိတ်ပူသွားပြီးတော့ ယန်ယွီကိုနေရာအနှံ့လိုက်ရှာခဲ့ပေမဲ့ ဟယ်ဇီကျိုးကိုကြည့်ရတာ ဇုန်ဝူရှင်းပြန်ပေါ်လာမှာကိုအရင်ထဲကကြိုတင်သတိထားနေသလိုပဲ။"