[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၂၂.၂] ကွေ့မုန်မျက်နှာပြင်စိမ်း|ေကြ႕မုန္မ်က္ႏွာျပင္စိမ္း

"အသက်ကိုရိုးသားစွာဖလှယ်သရွေ့ သေဆုံးသွားသူကိုတကယ်ပဲပြန်ရှင်လာစေနိုင်ပါသလား။"
(ဒုတိယပိုင်း)
.

................................................................

ဤအခမ်းအနားမှာ မင်ရှောင်း၏အသက်ကိုလဲလှယ်မည့်ရှုလင်ကျားအတွက်ဖြစ်သည်။ အခမ်းအနားဆက်သွားနေသည်နှင့် နှစ်ဦးသားမှာပင်ကိုယ်အားဖြင့်ဆက်သွယ်ချက်ရှိလာမည်ပင်။ ငိုသံနှင့်တီးတိုးပြောသံကမင်ရှောင်းထံမှပို့လိုက်တာဖြစ်နိုင်သည်။

ရှုလင်ကျားရှေ့တိုးကာ သေချာနားထောင်ကြည့်လိုက်သော် တစ်ဖက်လူ၏"ဟင့်အင်း"၊ "ငါနောက်မဆုတ်ဘူး"အစရှိသဖြင့်စကားများပြောလာသည်ကို ဝေဝေဝါးဝါးသာကြားလိုက်ရပေမဲ့ စကားလုံးအနည်းငယ်မျှသာဖြစ်ကာ ကျန်ရှိသောစကားလုံးများမှာမူငိုသံဝူးဝူးဝူးထဲတွင်နစ်မြုပ်သွားပြီး ယင်းမှာလူတွေကိုသေစေနိုင်လုနီးပါးပင်။

သူအသံနိမ့်ဖြင့်မေးလိုက်သည်။
"ဘာလို့ငြင်းတာလဲ။"

တစ်ဖက်လူကားတစ်ခုခုပြောလာပုံပေါ်ပေမဲ့ မိန်းကလေးကလည်းတတိယမြောက်စာကြောင်းကိုဖတ်လိုက်ပြီးသားဖြစ်သည်။
"အဆင့်သုံး၊ သချိုင်းကခုံးသွားပြီး လူတွေနဲ့တစ္ဆေတွေကိုခွဲခြားဖို့ခက်ခဲတယ်။"

တစ္ဆေသရဲများဟာခွဲခြား၍မရနိုင်။ ယင်နှင့်ယန်ကားပေါင်းစည်းသွားပြီး သေဆုံးသွားခဲ့သောလူသေဝိညာဥ်များဟာနွေဦးဝါမှတစ်ဖန်ပြန်တက်လာကာ လူတွေ၏အသက်ကိုယူ၍ သက်ရှိလောကကြီးထံပြန်လာရန်စောင့်ဆိုင်းနေကြ၏။

အချိန်အားဖြင့် လေး၊ ငါးဆင့်သာလျှင်ကျန်တော့သည်။ --စာကြောင်းတစ်ကြောင်း။

စာချူပ်၏မမြင်နိုင်သောစွမ်းအားကလူတွေကို အရှေ့တိုးရန်တွန်းလာပေမဲ့ သူ့ရှေ့ရှိကျင်းဖေးထုန်မှာအလျင်စလိုမဖြစ်ဘဲ နှေးကွေးသောခြေလှမ်းများဖြင့်လျှောက်သွားသည်။

သူသည်စာချုပ်၏စွမ်းအားကိုသူ၏ကိုယ်ပိုင်ခွန်အားဖြင့်ဆန့်ကျင်ကာ သူ့ခြေလှမ်းကိုနှေးချ၍ ရှုလင်ကျားအတွက်အချိန်ဆွဲပေးနေ၏။

ကျင်းဖေးထုန်နောက်မှရှုလင်ကျားလိုက်သွားလိုက်ပြီး သူနောက်လှည့်မကြည့်ပေမဲ့ ဤအခိုက်အတန့်တွင် သူ့အနောက်ရှိထောင့်၌ပုံရိပ်တစ်ရိပ်ပေါ်လာသည်ကိုသူသိသည်။